Jöödsch Karkhoff Bremervöör

De Jöödsche Karkhoff Bremervöör is en Jöödschen Karkhoff in Bremervöör dicht an de Grenz na Hönau-Lindörp (Landkreis Rodenborg, Neddersassen). He is as Kulturdenkmaal schuult.

De Karkhoff is 998 m² groot un liggt an’n Noordoostrand von de Höhn. Op’n Karkhoff gifft dat 30 Graffsteens för Joden ut Bremervöör un ümto, de in de Johren 1767 bet 1934 doodbleven sünd.

Historie[ännern | Bornkood ännern]

Na en Gesöök 1767 hett de Fleckensgemeen Bremervöör de Joden in Bremervöör en Grundstück stellt, dat vörher as Weid bruukt worrn is. Op dat Grundstück is de Karkhoff anleggt worrn. In de Tied von’n Natschonalsozialismus un den Tweten Weltkrieg is de Karkhoff nich anröögt worrn un ganz bleven. Vondaag kümmert sik de Stadt Bremervöör üm de Pleeg von’n Karkhoff. He is siet 1960 in Besitt von’n Landsverband von de Jöödschen Gemenen von Neddersassen.^[1]

Literatur[ännern | Bornkood ännern]

Andrea Baumert, Jürgen Bohmbach, Miriam Lappin un Antje C. Naujoks: Bremervörde In: Herbert Obenaus (Rutgever in Tosamenarbeid mit David Bankier un Daniel Fraenkel): Historisches Handbuch der jüdischen Gemeinden in Niedersachsen und Bremen. Band 1 un 2 (1668 S.), Göttingen 2005, S. 344-350; ISBN 3-89244-753-5

Tosätzlich gifft dat en Dokmentatschoon (Afschrift von de düütschen Inschriften, Fotos un Belegungsplaan), de Klaus-Peter Schulz (Kreisheimatmuseum Oosterholt) in de Johren 1982, 1985 un 1997 tohoopstellt hett. De Landsverband un dat Zentralarchiv hebbt 1989/1990 de Inschriften von all Steen översett.