Heinrichsdörp

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Heinrichsdörp
Laag vun Heinrichsdörp in Düütschland
Basisdaten
Bundsland: Neddersassen
Landkreis: Rodenborg
Samtgemeen: Sürsen
Gemeen: Sandbossel
Inwahners:
Postleettall: 27446
Vörwahl: 04764
Geograafsche Laag:
Koordinaten:53° 24′ N, 9° 6′ O
53° 24′ N, 9° 6′ O

Heinrichsdörp (hoochdüütsch Heinrichsdorf) is en lütt Dörp in de Gemeen Sandbossel (Samtgemeen Sürsen) in’n Landkreis Rodenborg, Neddersassen.

Geografie[ännern | Bornkood ännern]

Heinrichsdörp liggt een Kilometer in’n Westen von de Oost an’n Rand von dat Düvelsmoor. In’n Süden liggt dat Naturschuulrebeed Huvenhoopsmoor.

De Naveröörd sünd Mintenborg un Sandbossel mit Olenborg in’n Noordoosten, Ochenhusen in’n Süüdoosten, Augustendorp in’n Süüdwesten, Langenhusen/Friedrichsdörp in’n Westen un Klenkendörp in’n Noordwesten.

Historie[ännern | Bornkood ännern]

De Oort is eerst in de Johren 1930 as Arbeidslager grünnt worrn, as de staatliche Moorverwaltung mit Hülp von’n Rieksarbeidsdeenst dat Klenkenholt hett kultiveren laten. In de Tied von’n Tweten Weltkrieg is dat Lager denn von de Wehrmacht bruukt worrn un hett to dat Stalag Sandbossel höört. Eerst na’n Krieg is de Oort von 1953 af an zivil besiedelt worrn.

1855 is in dat Rebeed von dat Dörp de Meteorit vun Gnarrenborg dalkamen. Heinrichsdörp hett to de Tied aver noch nich bestahn.

Religion[ännern | Bornkood ännern]

Heinrichsdörp is evangeelsch-luthersch präägt un höört to dat Kaspel von de Lamberti-Kark in Sürsen.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Heinrichsdörp liggt an de Kreisstraat 148, de in’n Noordoosten över Sandbossel un Minst na Bremervöör geiht un in’n Süüdwesten över Augustendorp na Glinst an de Landsstraat 122. Von Augustendorp ut geiht na Noordoosten de K 103 na Langenhusen bi Gnarrenborg. Von Sandbossel geiht de K 101 in’n Noordwesten över Mintenborg un Klenkendörp na Fohrendörp un in’n Süüdoosten na Sürsen.

De nächste Autobahn is de Autobahn 1. De Opfohrt 48 Elsdörp liggt so 29 Kilometer in’n Süüdoosten von Heinrichsdörp.

De nächste Bahnhoff is so bi twölv Kilometer wied weg in’n Noorden de Bahnhoff Bremervöör an de Bahnlien Bremerhoben–Buxthu. Fröher hett dat in de Neegd ok en Bahnhoff an de Bahnlien Bremervöör–Wasra geven. Dat weer de Bahnhoff Bevern negen Kilometer in’n Noordoosten. Dor hett dat von 1908 bet 1968 Personenverkehr geven.

De Bahnhööv Brillit un Gnarrenborg an de Bahnlien Stood–Oosterholt-Scharmbeek legen teihn Kilometer in’n Westen. Dor hett dat von 1909 bet 1978 Personenverkehr geven.