Guido Westerwelle

Guido Westerwelle (* 27. Dezember 1961 in Bad Honnef; † 18. März 2016 in Köln) weer en düütsch Politiker (FDP). He weer vun 1994 bit 2001 Generalsekretär un vun 2001 bit Mai 2011 Bundsvörsitter vun de FDP. In de Johren vun 2009 bit 2013 weer he Butenminister vun Düütschland un bit Mai 2011 togliek ok Viezkanzler. 2014 hett he sik ut de aktive Politik torüchtagen, as bekannt worrn is, dat he akut an Leukämie lieden de. 2016 is he an de Krankheit doodbleven^[1].

Utbildung

Guido Westerwelle hett de Realschool mit de Mittlere Reife afsloten.^[2] Nah de Schooltiet in Oberdollendorf, Königswinter un Bonn mit Abitur 1980 an dat Ernst-Moritz-Arndt-Gymnasium hett Westerwelle Juristeree an de Universität Bonn studeert, dat he 1987 mit dat eerste un 1991 mit dat tweete juristisch Staatsexamen beendt hett. 1994 hett he noch sien Doktertitel an de Feernuniversität in Hagen mit en Dissertatschoon to dat Thema Das Parteienrecht und die politischen Jugendorganisationen maakt. Siet 1991 weer he as Afkaat tolaten.

Enkeld Nahwiesen

↑ Naricht vun Westerwelle sien Dood in Der Spiegel vun’n 18. März 2016; afropen an’n 18. März 2016
↑ Vgl. Setzen, Sechs! - Schulgeschichten aus Deutschland (3/3). Experiment Schule. Dokumentarfilm von Susanne Bausch im Auftrag des SWR. Düütsch Eerstsennen an’n 22. Dezember 2005