Gremlins

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Gremlins
Düütsch Titel: Gremlins – kleine Monster
Produkschoonsland: USA
Johr vun’t Rutkamen: 1984
Läng: 106 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: Joe Dante
Dreihbook: Chris Columbus
Produkschoon: Michael Finnell
Musik: Jerry Goldsmith
Noel Regney
Kamera: John Hora
Snitt: Tina Hirsch
Szenenbild: James H. Spencer
Kledaasch: Norman A. Burza
Linda Matthews
Dorstellers

Gremlins (dt. Titel: Gremlins – Kleine Monster) is en Horrorfilm mit Kummedie-Elementen ut dat Johr 1984. Speelbaas vun den Film weer Joe Dante, de Hööftrullen weern mit de Jungschauspelers Zach Galligan un Phoebe Cates besett. De Film harr en Budget vun 11. Millionen US-Dollar un hett alleen in de USA 148 Millionen US-Dollar inspeelt. 1990 is mit Gremlins 2 – The New Batch en tweeten Deel rutkamen.

Inholt[ännern | Bornkood ännern]

De Utfinner Randall Peltzer is in Chinatown op de Söök na en Geschenk för sien Söhn. He finnt dor bi en ollen Chinesen den Mogwai Gizmo. Dat is en lütt Deert mit en kuschelig Fell, dat dorto ok noch singen kann. De Ool will dat Deert gor nich verköpen, man den sien Enkel gifft em Peltzer mit, vun wegen dat se dat Geld bruukt. Man, dree wichtige Regeln gifft he em mit op’n Weg: De Mogwai dröff nich an’t Sünnlicht – grell Licht verdriggt he nich. Ok natt warrn dröff he nich. Un mit sünners veel Nadruck wiest de Jung dorop hen, dat de Mogwai nienich Eten kriegen dröff, wenn dat al na Middernacht is. Man den Grund seggt he em nich.

Dat Deert schenkt he also sien Söhn Billy, Man mit de Regeln hebbt se dat nich so nipp un nau. De eerste Regel warrt foorts broken, as de Mudder dat ne’e Huusdeert fotograferen will un dorbi en Blitzlicht bruukt. Later, as Billy mit em speelt, hollt he em en Spegel för un blennt em en tweet mol ahn Afsicht. As he em sien Fründ Pete wiesen will, kippt de ut Versehns en Glas Water üm un sprütt Gizmo dorbi natt. De tweete Regel warrt broken. Op eenmol fangt Gizmo dat Tucken an un wietere Mogwais platzt ut sien Fell rut. Man, disse Mogwais sünd nich so leef, fründlich un tamm as Gizmo, man se verholt sik bannig eisch un drook.

So richtig eernst warrt de Saak, as de ne’en Mogwai, de blots Schietkraam in’n Kopp hebbt, dat Stroomkavel vun Billy sien Wecker dörbieten doot, so dat he nich de richtige Tiet hett. So kriggt he ok nich mit, dat he de slöökschen Beester na Middernacht fodert. Blots Gizmo nimmt dorvun nix. Ahn sien Weten brickt Billy de drüdde un wichtigste Regel. De ne’en Mogwais verpoppt sik dorophen un wannelt sik in gresig aggresive Gremlins, de dat Huus op’n Kopp stellen doot.

Tosamen mit sien Mudder kann Billy de Gremlins doodmaken – mit Utnahm vun den Anföhrer, de utneiht un sik in en YMCA verkrüppt. Dorin gifft dat en Swemmbad, in dat he rinjump, wodör he sik schier ahn Enn vermehren deit. En hele Armee vun de lütten Monsters fallt nu an’n Wiehnachtsavend över den Oort her un stört em in’t Chaos. Bi en Gas-Explosion in en Kino kamt wedder all Gremlins to Dood, man ok ditmol överleevt de Anföhrer wedder. Eerst as Gizmo de Jalousie hoochtehn kann un de Anföhrer in’t grelle Sünnlicht steiht, is de Spöök vörbi.

As sik dorna de Familie Peltzer in jemehr Wahnstuuv draapt, kummt de olle Chinees ut Chinatown to Besöök. He verkloort jem, dat se noch nich sowiet sünd, en Mogwai as Huusdeert hollen to künnen un nimmt em wedder mit.

Kritiken[ännern | Bornkood ännern]

Lexikon vun’n internatschonalen Film „Eine boshaft-hintersinnige Horror-Farce über die Ambivalenz des Wunderbaren und die Kehrseite des technischen Fortschritts und der modernen Konsumgesellschaft; ätzend-karikierend, bisweilen auch trivial und krass in den Ausdrucksmitteln, aber insgesamt in ihrer Gesellschaftskritik treffend.“

Utteken[ännern | Bornkood ännern]

De Film weer för tosamen twölf Filmpriesen vörslahn, vun de he söven wunnen hett:

Anners wat[ännern | Bornkood ännern]

  • De Film is för den Commodore 64, den Amstrad CPC un den Sinclair ZX Spectrum 1985 as Gremlins: The Adventure as Reeknerspeel rutbröcht worrn. Later geev dat wietere Spelen.
  • In den Film geev dat Gastrullen ü.a. vun den Produzenten Steven Spielberg un vun den Komponist Jerry Goldsmith.
  • Dör den Film is de schottische Grupp Mogwai to ehrn Naam inspireert worrn.
  • In’t Kino weer de Film free af 12 Johren. Man, vun wegen de gresige Dorstellen vun Gewalt is de Öllersfreegaav later dör de FSK op 16 Johren hooch sett worrn.

Weblenken[ännern | Bornkood ännern]