Georg Dieterichs

Georg Heinrich Wilhelm Dieterichs (* 3. Dezember 1826 in Hameln; † 24. Mai 1903 in Göttingen) weer en düütschen Verwaltungsbeamten.

Dieterichs is 1826 as Söhn von en Hauptmann in Hameln boren. Op School weer he op dat Gymnasium Nr. 1 in Celle. Na de School hett he sik 1845 an de Universität Göttingen inschreven un dor Juristeree studeert. Dor weer he Maat in dat Corps Hanseatia un 1846 bi dat Corps Hannovera. To dat Wintersemester 1846/1847 is he an de Universität Bonn wesselt un weer dor Maat von dat Corps Palatia. Na dat Studium is he in’n hannöverschen Staatsdeenst gahn.

He

1856 is he Gerichtsassesser in Hannover worrn un 1865 Finanzraad in de hannöversche Generalpostdirekschoon. 1866 hebbt se em in dat Kabinett berop un he weer de letze Finanzminister, bevör dat Königriek Hannover 1867 von Prüßen annekteert worrn is. Na de Annekschoon is he in’n prüüßschen Staatsdeenst wesselt un weer von 1868 bet 1874 Amtshauptmann von dat Amt Heien un Kreishauptmann von’n Kreis Heien. 1872 is he ok Polizeidirekter von Heien worrn. Von 1873 bet 1885 weer he Amtshauptmann von dat Amt Göttingen un Kreishauptmann von’n Kreis Göttingen. Nadem de Ämter in de Provinz Hannover 1885 in Kreise ümwannelt worrn sünd, weer Dieterichs von 1885 bet 1900 Landraad von’n Kreis Göttingen. 1886 is he Gehemen Regerungsraad worrn un weer von 1895 bet to sien Rohstand an’n 1. November 1900 Kurater von de Königliche Kreiskass Hilmssen.

Dieterichs hett Anna von Hennings freet. De beiden harrn de Döchter Clara (hett Ludwig Aschoff freet) un Eva Dieterichs (hett Otto Karl Albrecht Ritschl freet).

Footnoten

Finanzministers von dat Königriek Hannover

Friedrich Franz Dietrich von Bremer | Caspar Detlev von Schulte | Eduard von Kielmansegg | Johann Heinrich Wilhelm Lehzen | Wilhelm von Hammerstein | Friedrich von der Decken | Georg Heinrich Bacmeister | Eduard Christian von Lütcken | Eduard von Kielmansegg | Carl Erxleben | Georg Dieterichs