Fickmöhlener Beek

Vun Wikipedia
Zur Navigation springen Zur Suche springen
Fickmöhlener Beek
Laag Landkreis Cuxhoben
Stroomsystem Elv
Münn bi Flögeln in de Au/Haadler Kanaal
Afströömrebeed 44,81[1] km²
Waterkenntall DE: 599244

De Fickmöhlener Beek is en Beek, de in de Au flütt. He is Deel von’n Fickmöhlener Randkanaal.

De Fickmöhlener Beek hett keen richtigen Born un spiest sik blots ut Gravens. De Utgangspunkt is de Möhlendiek in Fickmöhlen. Von dor flütt de Beek na Noordoosten un is fröher bi Steenau/Hörn in de Au münnt. Vondaag münnt de Fickmöhlener Beek bi Flögeln in den Flögelner Seeaffluss, de den Flögelner See mit den Haadler Kanaal verbinnen deit. De Kanaal flütt hier in dat ole Bedd von de Au.

Dat Water in’n Haadler Kanaal flütt denn wieder in de Medem, de Elv un in de Noordsee.

Dat Water ut dat Rebeed von Stüh in’n Noordwesten von Fickmöhlen flütt över den Toggraven Steertmoor af na’n Hemendörper Aftog. De Hemendörper Aftog nimmt dat Water ut’n Westen von Fickmöhlen ut Hemendörp op un över en Siedengraven ok dat Water von Drangst. De Hemendörper Aftog flütt in’n Westen von Fickmöhlen in’n Fickmöhlener Randkanaal.

De Fickmöhlener Randkanaal sülvs kummt von Süden un nimmt dat Water ut dat Rebeed twüschen Beers, Alfst un Drangst op. Ünner annern ut de Waterlööp Bahlenbeek, Brookgraven, Hellerbrook un Nüttenbrook.

Footnoten[ännern | Bornkood ännern]

  1. Gewässergütebericht ELBE 2000 Niedersachsen.


Koordinaten:53° 39′ N, 8° 49′ O