Feldhaupeer
| Feldhaupeer | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||
| Systematik | ||||||||||||||||||
| ||||||||||||||||||
| Wetenschoplich Naam | ||||||||||||||||||
| Acrididae | ||||||||||||||||||
| Mac Leay, 1821 |
Feldhaupeer oder Feldheupeer (Acrididae) sünd en Familie mank de Haupeer (Orthoptera). Dor höört se to de Kortspriet-Haupeer (Caelifera) bi.
Kennteken[ännern | Bornkood ännern]
De Feldhaupeer laat alltohopen na tyypsche Haupeer. Ehr Lief hett en Panzer as Butenskelett, de Achterbeen sünd dannig, de Flunken düütlich un de Föhlspriete man kort. De Höörgöter sitt an de beiden Sieten vun dat eerste Segment an't Achterlief, just över de Schenkels vun de Achterbeen. Gegen de Loofhaupeer (Tettigonidae) over is bi de Seken dat Leggrohr (Ovipositor) nich düütlich to sehn. De wecken Aarden sünd duchtig bunt farvt an Lief oder Flunken. Dor wüllt se Feende mit afschrecken. Zirpen doot se, wenn se de Achterschenkels langs de Vörflunken rievt, de denn anfangt, to bevern un dor en Luud bi afgeevt. Se weert een bit hen to 8 Zentimeters lang, weegt bit hen to 2 g un könnt 3 bit 6 Maande oold weern.
Wie se leven doot[ännern | Bornkood ännern]
Meist all Aarden sünd bannig goot tarnt. Eten doot se allerhand Aarden vun Gras. Man dat gifft ok allerhand Feldhaupeer, de vertehrt annere Planten. De wecken Aarden produzeert Stoffe, de bieten doot. Sülms weert se freten vun parasitäre Wöpsen un Flegen, Käverbudden, Vagels un Reptilien.
Wie se sik vermehren doot[ännern | Bornkood ännern]
De Heken singt overdag un wüllt dor de Seken mit anlocken. Bi de Paarung geiht dat Heken boven up dat Seken sitten. De Paarung sülms duert een Stunne, man towielen blifft dat Heken mehr as een Dag lang up dat Seken sitten un will dor Rivalen mit afwehren. In den laten Sommer bohrt dat Seken en poormol en Gatt in'e Eer un leegt dor tein bit 100 Eier in af. Schuult weert de dör en Laag Schuum. Dat duert 10 bit 20 Dage, oder ok bit to'n neegsten Vörjohr, denn kruupt de jungen Nymphen ut.
Wo se vorkamen un leven doot[ännern | Bornkood ännern]
In Westeuropa sünd man bloß en Reeg vun Aarden ut düsse Grupp tohuse, dormank de ganze Unnerfamilie vun de bekannten Grashuppers, man veel mehr Aarden gifft dat in de Tropen un in de Subtropen. De slecht benömmten Treckhaupeer, dormank dat Wöstenhaupeerd ut Afrika un Süüdwestasien höört ok to de Feldhaupeer. Dat gifft en poor dusend Aarden, un se sünd up de ganze Welt tohuse.
Plagen[ännern | Bornkood ännern]
Düsse Deerter könnt enormen Schaden anrichten in de Bueree. Aarden, as dat Treckhaupeerd finnt sik in unbannig grote Swarms tohopen un könnt up ehren Weg ganze Aarnten to Schannen maken.
Systematik[ännern | Bornkood ännern]
Familie vun de Feldhaupeer (Acrididae)[ännern | Bornkood ännern]
- Grashaupeer – Acridinae
- Slicht Nesenhaupeerd – Acrida ungarica
- Knarrhaupeer – Calliptaminae
- Italieensch Haupeerd – Calliptamus italicus
- Alpen-Barghaupeerd – Miramella alpina
- Slicht Barghaupeerd – Podisma pedestris
- Groothaupeer – Cyrtacanthacridinae
- Ägypt’sch Treckhaupeerd – Anacridium aegyptium (inwannert)
- Wöstenhaupeerd - Schistocerca gregaria
- Öödlandhaupeer – Oedipodinae
- Roodflunken-Haupeerd – Psophus stridulus
- Peer-Haupeerd – Celes variabilis
- Blauflunken- Öödlandhaupeerd – Oedipoda caerulescens
- Roodflunken-Öödlandhaupeerd – Oedipoda germanica
- Placken-Haupeerd Bryodemella tuberculata
- Blauflunken-Sandhaupeerd – Sphingonotus caerulans
- Europääsch Treckhaupeerd – Locusta migratoria
- Gröön Strandhaupeerd – Aiolopus thalassinus
- Stroom-Strandhaupeerd – Epacromius tergestinus
- Sumphaupeerd – Stethophyma grossum
- Lookhaupeerd – Mecostethus parapleurus
- Grashuppers – Gomphocerinae
- Groten Buckelhupper (Arcyptera fusca)
- Lüttjen Buckelhupper (Acryptera microptera)
- Placken-Külenhupper (Myrmeleotettix maculatus)
- Roden Külenhupper (Gomphocerippus rufus)
- Sibir'schen Külenhupper (Aeropus sibiricus)
- Groten Goldhupper (Chrysochraon dispar)
- Lüttjen Goldhupper (Euthystira brachyptera)
- Barg-Grashupper (Stauroderus scalaris)
- Feldgrashupper (Chorthippus apricarius)
- Steppengrashupper (Chorthippus vagans)
- Kiesbank-Grashupper (Chorthippus pullus)
- Nachtigall-Grashupper (Chorthippus biguttulus)
- Brunen Grashupper (Chorthippus brunneus)
- Verkannten Grashupper (Chorthippus mollis)
- Wittrand-Grashupper (Chorthippus albomarginatus)
- Wischengrashupper (Chorthippus dorsatus)
- Sumpgrashupper (Chorthippus montanus)
- Slichten Grashupper (Chorthippus parallelus)
- Bunten Grashupper (Omocestus viridulus)
- Buntbuuk-Grashupper (Omocestus rufipes)
- Roden Grashupper (Omocestus haemorrhoidalis)
- Swartplackengrashupper (Stenobothrus nigromaculatus)
- Heidegrashupper (Stenobothrus lineatus)
- Lüttjen Heidegrashupper (Stenobothrus stigmaticus)
- Lüttjen Grashupper (Stenobothrus crassipes) (Öösterriek un lüttje Gemarken in de Kyffhüserbarge, in de Hainleite un in't Huy (Sassen-Anholt, Döringen), anners in Süüdoosteuropa)[1][2]
Belege[ännern | Bornkood ännern]
- ↑ Köhler, G. (2001): Fauna der Heuschrecken des Freistaates Thüringen. Naturschutzreport 18: 83–86.
- ↑ Schädler, M. (2009): Ein neues Vorkommen des Zwerggrashüpfers, Stenobothrus crassipes (CHARPENTIER, 1825) (Caelifera, Acrididae), in Deutschland. Entomologische Nachrichten und Berichte.
