Europääsch Treckhaupeerd
| Europääsch Treckhaupeerd | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||
| Systematik | ||||||||||||||||||||||||
| ||||||||||||||||||||||||
| Wetenschoplich Naam | ||||||||||||||||||||||||
| Locusta migratoria | ||||||||||||||||||||||||
| Linnaeus, 1758 |
Dat Europääsche Treckhaupeerd (Locusta migratoria) is en Haupeerd ut de Familie vun de Feldhaupeer (Acrididae).
Kennteken[ännern | Bornkood ännern]
De Flunken bi Heken un Seken sünd düütlich langer, as dat Achterlief. De Achterscheen vun dat achterste Beenpaar is rood. Just, as bi annere Treckhaupeer gifft dat bi düsse Aaart en statschonäre Form (de nich up Treck geiht) un en Swarmform (de up Treck geiht). De beiden Formen verscheelt sik. Bi de Swarmform is dat Halsschild platter, de rode Farv an de Achterbeen fehlt, un dat Lief is nich gröön, man bleekbruun. Bovento sünd ok de Flunken langer. Heken könnt 29 bit 58 Millimeters lang weern, Seken 37 bit 58 Millimeters.[1]
Verscheel vun annere Aarden[ännern | Bornkood ännern]
Dat europääsche Treckhaupeerd kann an un for sik man bloß mit dat Ägypt’sche Haupeerd dör’nanner brocht weern. Man dat Ägypt’sche Haupeerd hett düütliche Striepen in’e Ogen un de Achterschenen sünd nich rood, man blau.
Wo dat Europääsche Treckhaupeerd leven deit[ännern | Bornkood ännern]
Vörmols leev dat Europääsche Treckhaupeerd in grote Deele vun Europa, dormank ok de Nedderlannen un Belgien, man hüdigendags is dat in meist ganz Europa utstorven. Bloß in’n Noordwesten vun Frankriek gifft dat noch en Populatschoon. Af un an warrt he liekers noch funnen, wenn he as Foder for grote Huus-Reptilien holen wurrn weer un denn utbüxt is. Buten Europa kummt de Nominatform vun düsse Aart noch in West- un Zentralasien vor.
Wie dat Europääsche Treckhaupeerd leven deit[ännern | Bornkood ännern]
To sehn is dat utwussene Deert twuschen Juni un Septembermaand. Dor is dat sunnerlich aktiv vun Klock 9 an’n Morgen bit hen to Klock seven an’n Avend.[1] Düt Haupeerd singt nich.
Unneraarden[ännern | Bornkood ännern]
Dat gifft seven Unneraarden, de in allerhand Gemarken leevt, de meist wiet ut’neen liggen doot:
- Locusta migratoria burmana
- Locusta migratoria capito (Madagaskartreckhaupeerd)
- Locusta migratoria cinerascens
- Locusta migratoria manilensis (Asiaatsch Treckhaupeerd)
- Locusta migratoria migratoria
- Locusta migratoria migratorioides (Afrikaansch Treckhaupeerd)
- Locusta migratoria tibetensis
Foto's[ännern | Bornkood ännern]
-
Larve eerst Stadium (Swarmform) -
Larven tweet un veert Stadium (Swarmformen) -
Larven drüdd Stadium (Swarmformen) -
Larve veerd Stadium (Swarmform) -
Deel vun en Larvenswarm in Kasachstan -
Larvenswarm in Kasachstan
Literatur[ännern | Bornkood ännern]
- Roy Kleukers & René Krekels - Veldgids sprinkhanen en krekels - 2004 - Uitgeverij KNNV
- Mark van Veen - Kenmerkengids Sprinkhanen en krekels Website
Belege[ännern | Bornkood ännern]
Weblenken[ännern | Bornkood ännern]
Europääsch Treckhaupeerd. Mehr Biller, Videos oder Audiodateien to’t Thema gifft dat bi Wikimedia Commons.