Butenskelett

Vun Wikipedia
Zur Navigation springen Zur Suche springen

En Butenskelett oder Exoskelett is en Hüll to'n Schulen vun dat Lief vun en Organissen. En Butenskelett gifft dat u.a. bi all Liddfööt (Arthopoda), Weekdeerter (Mollusca), Stekelhuutdeerter (Echinodermata) un Lüttjen Moosdeerter (Bryozoa). Tostanne brocht warrt en Butenskelett dör de Epidermis (Bi de Weekdeerter is dat de üterste Lage vun den Mantel). Um dat Butenskelett rum gifft dat keen levennig Geweev.

En Organissen kann up allerhand Aart Stevigkeit totann bringen:

En Butenskelett is tyypsch for de Warvellosen. Dor staht se mit gegen de Warveldeerter (Vertebrata) over, de ehr Skelett binnen liggt un de en Ruggenbeen mit Warvels hefft.

Dat Butenskelett is toamensett ut hart Materiol. Dat kann bestahn ut hoornhaftige Stoffe, as Chitin oder ut Kalziumtosamenslüsse, as Kalziumkarbonat un Kalziumphosphat. Vunwegen, datt dat Materiol, wo en Butenskelett ut besteiht, faken tämlich swaar is, hefft sunnerlich lüttjere Deerter Vordeele mit en Butenskelett.

Nich bloß Deerter hefft en Skelett, man ok bestimmte Gruppen, de mank de [Planten]] rekent weert. Faken besteiht dat ut „Kiesel“ (Siliziumdioxid). U.a. de Kieselalgen höört to düsse Planten mit to.

Biller[ännern | Bornkood ännern]