Warveldeerter

Vun Wikipedia
Wesseln na: Navigatschoon, Söök
Warveldeerter; Warveldeerten
Allerhand Warveldeerter
Systematik
Domään: Eukaryota
Ünnerriek: Veelzellers (Metazoa)
Afdeel: Geweevdeerter (Eumetazoa)
Ünnerafdeel: Bilateria
Böverstamm: Neemünner (Deuterostomia)
Stamm: Chordadeerter (Chordata)
Ünnerstamm: Warveldeerter (Vertebrata)
Wetenschoplich Naam
Vertebrata

Warveldeerter, Warveldeerten oder Warveltiere (Vertebrata) sünd Deerter mit en Rüggenbeen. Düt Rüggenbeen besteiht ut allerhand Warvels, de an’nanner sitten doot. Vundeswegen heet de Deerter Warveldeerter. Anners konnen se woll ok Rüggenbeendeerter heten.

To de Warveldeerter weert fief grote Gruppen vun Deerter tellt: Söögdeerter, Vagels, Reptilien, Amphibien un Fische (Knaken- un Gnubbelfische), as ollerhaftige Vertreders kaamt dor denn noch de Rundmuuldeerter to.

Dat gifft en ganze Reeg vun Wetenschopslüde, de meent, vundagen schöllt wi nich mehr vun Warveldeerter snacken, man beter vun Schädeldeerter (Craniota). Dat liggt dor an, datt Sliemaale keen Rüggenbeen hefft, man en Chorda dorsalis. Just so sütt dat mit de Seekatten ut, de to de Gnubbelfische tohören doot, un ok mit en poor bannig ollerhaftige Knakenfische, as de Quasten-Finnfisch. Man en gnubbelig Koppskelett (bi Negenogen un Sliemaale), oder en Schädel ut Knaken oder Gnubbels gifft dat bi all Warvelderter un höört dor to de Grundmusters vun de Gruppe mit.