Slichten Grashupper
| Slichten Grashupper | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||
| Systematik | ||||||||||||||||||||||||
| ||||||||||||||||||||||||
| Wetenschoplich Naam | ||||||||||||||||||||||||
| Chorthippus parallelus | ||||||||||||||||||||||||
| (Zetterstedt, 1821) |
De Slichte Grashupper (Chorthippus parallelus) is en Kortspriet-Haupeerd ut de Familie vun de Feldhaupeer. Dat is een vun de Haupeerd-Aarden, de in Middeleuropa an'n fökensten vorkamen deit.
Kennteken[ännern | Bornkood ännern]
De Slichte Grashupper warrt 13 bit hen to 22 Millimeters lang. In'e Farv verscheelt sik de Deerter, as de meisten Grashuppers, bannig. Faken sünd se gröön oder bruun, man ok mit en roden oder vigeletten Slag. De Seken sünd düütlich grötter, as de Heken, man se hefft bloß bannig korte Flunken. De meisten Slichten Grashuppers hefft man korte Flunken un könnt gor nich flegen, man dat gifft ok Deerter mit gröttere Flunken, de könnt denn flegen. De Heken „snackt“ mit'nanner, as all Grashuppers. Ehren Gesang kann een bit to 10 Meters wiet hören. Dat Singen kummt tostanne, wenn en Saagkamm an de Binnensiet vun den Achterschenkel in sunnerliche Afstänn an de Kant vun de Flunkendeek langsreven warrt. Beide Achterschenkels weert dor in'n lieken Takt bi up un dal bewegt. Bi dat Dalrieven kummt de Gesang tostanne. As bi all kole Deerter sünd ok de Slichten Grashuppers bloß man aktiv, wenn dat enigermaten warm is. De Slichten Grashuppers könnt vunwegen de Morphologie un ok vun den Gesang her dör'nanner smeten weern mit den Sumpgrashupper (Chorthippus montanus). De sütt liek ut, man is raarer. Hen un wenn gifft dat Deerter, de staht in'e Midden twuschen düsse beiden Aarden. De weert denn as Hybriden ankeken.[1]
Wo he leven deit[ännern | Bornkood ännern]
De Slichte Grashupper kummt in ganz verscheden Umtos torecht. He is meist up all Aarden vun open Grasland to finnen, wenn dat nich to natt un nich to dröge is: Up Fennen un Wischen, an de Ränner vun Wege un Wolden in meist ganz Europa. In'n Osten is de Aart bit hen na Sibirien to finnen, un in'n Süden bit hen na Noordafrika.
Wie he sik vermehren deit[ännern | Bornkood ännern]
De Heken lockt de Seken an dör ehren Gesang. Wenn veel Deerter in en Gegend leevt, könnt se sik ok tofällig bemöten. Unafhängig vun de Paarung leggt dat Seken um un bi all dree Dage Eibulten in'e Eer af.
Leven[ännern | Bornkood ännern]
De Eier overwintert un de Nymphen kruupt vun April af an ut. Adulte Deerter sünd to finnen vun Juni af an (hen un wenn ok mol al in'n Mai).
Freten[ännern | Bornkood ännern]
De Slichte Grashupper fritt, as de meisten Grashuppers, allerhand Aarden vun Gras.
Belege[ännern | Bornkood ännern]
- ↑ W. J. Reynolds: A reexamination of the characters separating Chorthippus montanus and Chorthippus parallelus (Orthoptera, Acrididae). In: Journal of Natural History. 14, 1980, S. 283–303.
Weblenken[ännern | Bornkood ännern]
Slichten Grashupper. Mehr Biller, Videos oder Audiodateien to’t Thema gifft dat bi Wikimedia Commons.