Wöstenhaupeerd

Vun Wikipedia
Zur Navigation springen Zur Suche springen
Wöstenhaupeerd
Wöstenhaupeerd (Treckphase)
Systematik
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Ünnerklass: Fleeginsekten (Pterygota)
Böverornen: Neeflunken (Neoptera)
Ornen: Haupeer (Orthoptera)
Ünnerornen: Kortspriet-Haupeer (Caelifera)
Familie: Feldhaupeer (Acrididae)
Geslecht: Schistocerca
Oort: Wöstenhaupeerd (Schistocerca gregaria)
Wetenschoplich Naam
Schistocerca gregaria
Forsskål, 1775
Enkelt-/ Solitaria-Phase (boven) un de Swarm-/ Gregaria-Phase (unnen)

Dat Wöstenhaupeerd (Schistocerca gregaria) is en Haupeerd, dat ok as Treckhaupeerd uptreden deit. As enkelt Insekt is dat man lüttjet un fallt nich wieter up, man wenn sik dat in Swarms tohopenfinnen deit, könnt dor bit hen to 50 Mio. Deerter up’n Treck gahn.

Wie sik dat Wöstenhaupeerd vermehren deit[ännern | Bornkood ännern]

De Paarung löppt so af, datt en Heken up den Ruggen vun en Seken jumpen oder krupen deit un den sien Lief mit siene Been umfaten deit. Dat Sperma warrt vun de Spitz vun sien Achterlief an dat Seken wietergeven un dor spiekert. Dat kann en poor Stunnen lang duern un langt for allerhand Leggels.[1] Na de Paarung leggt dat Seken twuschen 20 un 80 Eier in en Schuumsuulen up’e Eer. De Schuumsuul warrt hard un so sünd de Eier schuult. Bit de Lüttjen utkrupen doot, kann dat twee Weken oder langer duern, dat hangt vun de Temperatur af.[2]

De Treckphase[ännern | Bornkood ännern]

Dat Leven vun en Populatschoon vun Wöstenhaupeer löppt in twee Phasen af: De „solitäre” Phase (Enkeltphase) un de „gregäre“ Phase (Swarmphase). In de solitäre Phase blievt all Deerter vun desülvige Aart, wo se sünd. Wenn nu de Umstänn sunnerlich good sünd, kann dat angahn, dat so veel Budden utkrupen doot, datt se to’n Overleven mehr Platz bruken doot, as dor is. Denn fangt se an to Wannern un gaht up’n Treck. In de Swarmphase benehmt sik all Deerter liek un ännert de Richtung vun den Treck nich mehr. Bi Unnersökens is rutkamen, datt (solitäre) Nymphen just so, as utwussene Deerter, wenn se alleen uptrocken wurrn sünd, sik in bloß en poor Stunnen up en Treck umstellen könnt, wenn se in en Umto rinsett weert, wo dat bannig vull is. Annersrüm bruukt (gregäre) Haupeer een oder en ganze Reeg vun Generatschonen, wenn se sik dor up instellen schöllt, wedder solitär to leven.[3]

Aarntverlust[ännern | Bornkood ännern]

Wöstenhaupeer könnt an een Dag um un bi dat Egengewicht (±2 g) an Freten wegneihen: Blöder, Blöten, Bark, Stängels, Frücht un Saat weert vertehrt. Vundeswegen weert se as groot Untüüch ankeken. Meist all Planten weert freten, dormank Heerse, Ries, Mais, Sorghum, Zuckerrohr, Garsten, Kattuun, Aaftböme, Dattelpalmen, Grööntüüch, Akazien, Nadelböme un Bananenplanten. Schaden an de Aarnte is al in de Bibel un in’n Koran beschreven. In dat 20. Johrhunnert hett dat Plagen vun Wöstenhaupeer geven in de Johre 1912-19, 1926-34, 1940-48, 1949-63, 1967-69 un 1986-89. Vun dor af an sünd se nochmol 1994 un 2004 utbraken.

Literatur[ännern | Bornkood ännern]

  • Stanley Baron: Die achte Plage. Die Wüstenheuschrecke, der Welt größter Schädling (OT: The desert locust). Parey, Hamburg, und Berlin 1975, ISBN 3-490-00418-3
  • Stanley Baron, Fotos: viele Fotografen: Heuschrecken - Die Zähne des Windes. In: Geo-Magazin. Hamburg 1978,9, S.112-132.

Belege[ännern | Bornkood ännern]

  1. [1] Locust handbook: 2. Desert Locust-Schistocerca gregaria: Life cycle, togrepen 2017-12-01
  2. [2]Locust handbook: 2. Desert Locust-Schistocerca gregaria: Life cycle, togrepen 2017-12-01
  3. Gabriel A. Miller, M. Saiful Islam, Timothy D. W. Claridge, Tim Dodgson, Stephen J. Simpson: Swarm formation in the desert locust Schistocerca gregaria: isolation and NMR analysis of the primary maternal gregarizing agent, in: Journal of Experimental Biology, Band 211, Nummer 3, vun’n 2008-02-01, S. 370–376[3], afropen an’n 2017-12-01

Weblenken[ännern | Bornkood ännern]

Commons-logo.svg Wöstenhaupeerd. Mehr Biller, Videos oder Audiodateien to’t Thema gifft dat bi Wikimedia Commons.