Faith Babb

Vun Wikipedia
Zur Navigation springen Zur Suche springen

Faith Lavern Babb (Faith Stuart-Babb) is en Politikerin ut Belize (UDP).

Babb leevt in Belize-Stadt un is al fröh in de United Democratic Party (UDP) intreden. Se hett dor de Grupp UDP – National Organization of Women (UP NOW) grünnt, in de sik Froonslüüd in de Partei organiseert hebbt.

Bi de Parlamentswahl in Belize 1993 weer Babb Kannedatin för de UDP in’n Wahlkreis Collet un hett de Wahl mit 49,8 % von de Stimmen temlich knapp gegen Remijio Montejo von de PUP wunnen. Bi de Wahl 1998 weer se in’n sülven Wahlkreis ok wedder Kannedatin, hett dütmaal aver mit 37,71 % von de Stimmen gegen Montejo verloren.

Dormit weer se von 1993 bet 1998 Afornte von dat Repräsentantenhuus von Belize. Se weer von 1993 bet 1997 Staatsministerin in dat Ministerium för Entwicklung för de Jungen Lüüd, Humanressourcen un Froonslüüd ünner Minister Philip Goldson un hett an’n 23. Februar 1997 den Ministerposten von Goldson övernahmen.

Se weer von 1993 bet 1997 ok Viez-Sprekerin von dat Repräsentantenhuus.