Eirene (Maand)

Eirene (ok Jupiter LVII) is een vun de lütten Maanden vun den Planeten Jupiter.

De Maand is an’n 6. Februar 2003 vun Astronomen an de Universität vun Hawaii opdeckt worrn. Toeerst weer he as S/2003 J 5 betekent. Den offiziellen Naam hett he an’n 23. August 2019 dör de Internatschonale Astronoomsche Union (IAU) kregen, na Eirene, de in de greekschen Mythologie de Göddin vun’n Freden is.

Ümloopbahn

Eirene bruukt för een Ümloop üm Jupiter üm un bi 743,88 Daag. De Bahn hett dorbi en middleren Afstand vun 23.668.000 km bi en Exzentrizität vun 0,222 un en Bahnnegen vun 163,1° gegen de öörtliche Laplace-Even. Dat heet, dat de Maand gegen de Richt vun Jupiter sien Rotatschoon – also retrograd – lööpt.

Wegen ehr Bahnegenschoppen warrt Eirene to de Carme-Grupp rekent.

Physikaalsche Egenschoppen

De Dörmeter vun den Maand liggt bi ruchweg 4 km. De Dicht vun Eupheme warrt op 2,6 g/cm³ schätzt. Man geiht dorvun ut, dat de Maand vör allen ut Silikat-Stenen opboet is. De Böverflach is teemlich düster mit en Albedo vun jüst man 0,04.

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden