Echte Flegen

Vun Wikipedia
Zur Navigation springen Zur Suche springen
Echte Flegen
Bruunswatte Sweetflege (Thricops semicinereus)
Systematik
Domään: Eukaryota

ahn Rang: Veelzellers (Metazoa)
Afdeel: Geweevdeerter (Eumetazoa)
Ünnerafdeel: Tweesiedendeerter (Bilateria)

ahn Rang: Ehrdermünner (Protostomia)
Böverstamm: Huututtreckers (Ecdysozoa)
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Böverornen: Neeflunken (Neoptera)
Ornen: Tweeflunken (Diptera)
Ünnerornen: Flegen (Brachycera)
Familie: Echte Flegen (Muscidae)
Wetenschoplich Naam
Muscidae
Latreille, 1802

De Echten Flegen (Muscidae) sünd en Familie mank de Flegen (Brachycera). Se weert to de Tweeflunken (Diptera) mit torekent. Up de ganze Eer gifft dat bi 4.000 Aarden. Ut Europa sünd bi 600 Aarden bekannt, 500 vun jem kaamt ok in Middeleuropa vor.

Kennteken[ännern | Bornkood ännern]

Dat Lief vun de Echten Flegen is 2 bit 18 Millimeters lang un stevig boot. Meist sünd se grau, stahlblau, wat gröön, geel oder rood farvt. De wecken laat na de Brummers (Calliphoridae). De Föhlspriete sünd dreedeelt, kort un eenfach. Blangen de Facettenogen hefft de Deerter ok dree Punktogen (Occelli). Dat Mundwarktüüch is goot utbillt un se könnt dor mit lecken oder ok steken.

Wie se leven doot[ännern | Bornkood ännern]

Dat Lven vun de Echten Flegen verscheelt sik je na Aart. Dat gifft Aarden, de leevt as Parasiten un suugt Blood, man ok Rövers, Blötenbesökers un Flegen, de an allerhand Fleetstoffe suugt, as u. a. an Schiete. Bi de Budden gifft dat de wecken, de leevt in Affall un Stoffe, de ut’neenfallt un vergammelt un nehrt sik dor vun, un annere, de freet Swämme, de dor in wassen doot oder ok de wecken, de freet Schiete. Dat gift ok Aarden, de ehre Budden freet Plantendeele. De Budden leevt meist up’e Eer oder in dat oder, dat se an’n leevsten freet, man bi en Reeg vun Aarden wasst de Budden ok in’t Water.

Wie se wassen un groot weern doot[ännern | Bornkood ännern]

De Budden sünd bannig gau utwussen un bruukt dor towielen nich mehr, as man acht Dage to. In Europa duert dat bi de meisten Aarden man denn doch twee bit dree Weken. So könnt in een Johr bit hen to acht Generatschonen vun Flegen utriepen. De Budden mütt dör dree Phasen dörgahn.

Feende[ännern | Bornkood ännern]

Vunwegen, datt se sik so unbannig vermehrt, weer de Tahl an Nakamen an sik nich to tellen, man de gröttste Deel warrt dör Rövers, de jem freten doot un sunnerlich dör Parasitoide dootmaakt.

Flegen dreegt Krankheiten over[ännern | Bornkood ännern]

En Reeg vun Aarden sünd Vekters for allerhand Krankheiten un Süken, as Rode Loop, Cholera, Geelsücht, Kinnerlahmte, Rüggblood, Slaapsüke un Typhus. De Gefohr, sik dör Flegen antosteken, besteiht avers man bloß in de Tropen un warme Gemarken vun’e Eer.

Aarden (Utwahl)[ännern | Bornkood ännern]

To de wichtigen Unnerfamilien tellt:

Galerie[ännern | Bornkood ännern]

Belege[ännern | Bornkood ännern]


Weblenken[ännern | Bornkood ännern]

Commons-logo.svg Echte Flegen. Mehr Biller, Videos oder Audiodateien to’t Thema gifft dat bi Wikimedia Commons.