EDtv
| Filmdaten | |
|---|---|
| Plattdüütsch Titel: | — |
| Originaltitel: | EDtv |
| Düütsch Titel: | EDtv |
| Produkschoonsland: | Vereenigte Staten |
| Johr vun’t Rutkamen: | 1999 |
| Läng: | 118 Minuten |
| Originalspraak: | Engelsch |
| Öllersfreegaav in Düütschland: | FSK 6 |
| Filmkru | |
| Speelbaas: | Ron Howard |
| Dreihbook: | Lowell Ganz Babaloo Mandel |
| Produkschoon: | Jeffrey T. Barabe Brian Grazer Ron Howard |
| Musik: | Randy Edelmann |
| Kamera: | John Schwartzman |
| Snitt: | Daniel P. Hanley Mike Hill |
| Szenenbild: | Michael Corenblith |
| Kledaasch: | Rita Ryack |
| Dorstellers | |
| |
EDtv is en Filmkummedie von Ron Howard ut dat Johr 1999. De Hööftrull speel Matthew McConaughey. De Kosten för dissen Film, de in Kalifornien dreiht worrn is, belöpen sik op ruchweg 60 Millionen US-Dollar.
Inholt
[ännern | Bornkood ännern]En kalifornischen Feernsehsenner kummt mit en ne’e Idee op’n Markt, de ünner den Naam TrueTV utstrahlt warrn schall. Dorbi schall dat dorüm gahn, en unbekannte Person den helen Dag över to filmen un sien Leven in’t Feernsehn to wiesen, ahn Snieden un ahn Dreihbook. As Programmbaassche warrt Cynthia Topping insett, de nu anfangt Lüüd för de Show to söken. Ihr Wahl fallt op Ed Pekurny, de teemlich locker is un mit Humor dör’t Leven geiht.
To Anfang will de Sennen nich rech in de Gäng kamen un de Tokiekertallen blievt mau. Man mit de Tiet warrt dat Intresse grötter, as Ed sien Broder Ray mit en annere Fro bi’t Rümmaken faatkriegen deit – natürlich mit de Kameralüüd dorbi. Shari kriggt dat op disse Wies mit. As Ed ehr foorts dorna besöken deit – natürlich jümmer noch mit all de Kameras dorbi – maakt Sari eerst mol Sluss mit Ray. Ed gesteiht ehr, dat he ehr leev hett un se küsst sik. De beiden warrt dorophen en Poor. Man, de Feernseh-Tokiekers möögt Shari nich un snackt slecht över ehr, vun wegn dat se mit de Kameras nich kloor kummt. Ed sett allns doran, ehr in en goot Licht to wiesen, wat Shari aver wedder in de Brass bringen deit. Se verlätt em ut den Grund, dat se nich för de Rull as Fründin vörspraken hett.
Ed kriggt jümmer mehr Twievel an dat Programm, nadem noch mehr Begeevnissen passeert, de all över’t Feernsehn överdragen warrt, un will de Sennen afbreken. De Fernsehsenner will em aver nich ut den Verdrag rutlaten, vunwegen dat dat Programm nu goot lopen deit. Ed mutt sogor faststellen, dat intwüschen meist sien hele Familie Verdrääg mit den Senner afslaten hett un ok vun Kameras opnahmen warrt. As he sik mit Shari wedder tosamenfunnen hett, maakt Ed in de Sennen künnig, dat he 10.000 US-Dollar för de jeneerligste Informatschoon över dat Management vun’n Senner betahlen will.
Cynthia Topping, de bit dorhen de Sennen maakt hett, künnigt bi den Senner, nadem se Striet mit Whitaker, den Baas vun’n Senner, hatt hett. Ahn ehrn Naam to seggen röpt se Ed an un vertellt em en Geheemnis över Whitaker: De hett neemlich Lasten mit sien Potenz un hett dorüm en Penisimplantat. Vör lopen Kamera verkloort Ed woans so en Implantat funkschoneert. As he den Naam vun Whitaker pries geven will, warrt de Sennen op Anwiesen vun Whitaker afbroken. Ed hett sien Freeheit wedder torüch.
Kritiken
[ännern | Bornkood ännern]- Mick LaSalle schreev in de San Francisco Chronicle vun en sarkastisch Dreihbook. Andoon weer he sünners vun dat Speel vun Woody Harrelson un Ellen DeGeneres[1].
- Roger Ebert hett de Kummedie in de Chicago Sun-Times mit de Kummediee The Truman Show vergleken. An’n intressantsten fünn he de Figur Ray Pekurny[2].
Utteken
[ännern | Bornkood ännern]För dissen Film tohopen mit The Story of Us is Rob Reiner mit den Pries för’t Levenswark vun’t Santa Barbara International Film Festival uttekent worrn. Bito weern Elizabeth Hurley un Matthew McConaughey för den Teen Choice Award nomineert in de Kategorie Sexiest Leefszeen.
Borns
[ännern | Bornkood ännern]Weblenken
[ännern | Bornkood ännern]- EDtv in de Internet Movie Database (engelsch)
- Kritiken to EDtv op Rotten Tomatoes
- Kritiken to EDtv op Metacritic.com