Matthew McConaughey
Matthew David McConaughey [ˈmæθjuː məˈkɑnəheɪ̯] (* 4. November 1969 in Uvalde, Texas) is en US-amerikaanschen Schauspeler un Filmproduzent.
Leven un Wark
[ännern | Bornkood ännern]McConaughey is in Longview, Texas, opwossen. Sien Vadder Jim hett in de Öölindustrie arbeit, sien Mudder Katherine weer Uthölpsschoolmeestersche. He hett twee öllere Bröder, David un Patrick. He hett eerst an de University of Texas at Austin en Jura-Studium anfungen, wat he aver afbroken hett. An de glieke Universität hett he dorna Film studeert un 1993 sien Afluss maakt.
Sien Loopbahn as Schauspeler füng mit Optreden in Warfspots an. Sien eerste lütte Filmrull harr he 1993 in den Film Dazed and Confused. Dorna kemen verschedene lütte Rullen, bit he 1996 as Afkaat Jake Brigance in den Film A Time to Kill sien Dörbrook harr. För de Rull harr he ok eerste Nomineren för Filmpriesen. Dör sien Spood harr he dorna ok Rullen in Filmen as Contact, Amistad, EDtv un wietere. Sien Versöök, sik ok för eernste Rullen as hoochklassigen Schauspeler dörtosetten, güng aver eerstmol scheef[1].
Vun 2000 an weer he fakener in Romantikkummedien to sehn. 2005 weer he vun’t People Magazine to’n Sexiest Man Alive wählt. Mehrere Johren bleev he op den Rullentyyp vun den gladden Schönling fastleggt. Üm dorvun weg to kamen hett he tallriek Rullen in Romantische Kummedien aflehnt un legg af 2009 en Poos vun twee Johren in[1]. 2011 hett he de Rull vun’n Afkaat in Brad Furman sien Film The Lincoln Lawyer övernahmen, för de he vun de Kritikers veel Loov kregen hett.
För sien Dorstellen vun den HIV infizeerten un later AIDS kranken Ron Woodroof in den Film Dallas Buyers Club weer McConaughey mkit hoge Filmpriesen ehrt. För disse Rull harr he in veer Maanden ruchweg 23 kg Gewicht afnahmen[2]. 2014 hett he en Hööftrull in de Feernsehreeg True Detective annahmen. Bito weer he bi enkelte Filmen ok Produzent.
Privat weer McConaughey fief Johren lang mit Sandra Bullock tosamen. Se harrn sik bi de Dreiharbeiten to A Time to Kill verkeken. Siet 2007 is he mit dat brasiliaansche Model Camila Alves tohopen, mit de he dree Kinner hett. Dat Poor harr sik 2011 verlooft[3] un in’n Juni 2012 heiraat.
Filmografie (Utwahl)
[ännern | Bornkood ännern]
Utteken
[ännern | Bornkood ännern]Bit hüüt (März 2015) weer McConaughey för meist hunnert Filmpriesen vörslahn, vun de he mit 45 uttekent worrn is. Dorünner sünd to’n Bispeel:
- 1997: de MTV Movie Award in de Kategorie Beste Nawass-Star för A Time to Kill
- 1999: de Teen Choice Award in de Kategorie Sexiest Love Scene för EDtv
- 2005: de Teen Choice Award in de Kategorie Best Söten för Sahara
- 2012: de VVFP Award in de Kategorie Best Nevendorsteller för Magic Mike
- 2013: de Saturn-Pries in de Kategorie Best Hööftdorsteller för Killer Joe
- 2013: de Satellite Award in de Kategorie Best Dorsteller in en Speelfilm för Dallas Buyers Club
- 2014: de Screen Actors Guild Award in de Kategorie Rutragen Dorstellen vun en Hööftdorsteller för Dallas Buyers Club
- 2014: de Golden Globe in de Kategorie Best Hööftdorsteller – Drama för Dallas Buyers Club
- 2014: de Oscar in de Kategorie Best Hööftdorsteller för Dallas Buyers Club
- 2014: de Goldene Kamera in de Kategorie Best internatschonalen Schauspeler för Dallas Buyers Club
- 2014: de TCA Award in de Kategorie enkelt Leistung – Drama för True Detective
Borns
[ännern | Bornkood ännern]- ↑ a b Matthew McConaughey - Vom Aufreißer zum Oscarfavorit bi moviepilot.de, afropen ann 7. Februar 2014
- ↑ Kurier am Sonntag vun’n 9. Februar 2014, S. 16.
- ↑ Matthew McConaughey will heiraten, rp-online.de, 26. Dezember 2011, afropen an’n 26. Dezember 2011
Weblenken
[ännern | Bornkood ännern]
Matthew McConaughey. Mehr Biller, Videos oder Audiodateien to’t Thema gifft dat bi Wikimedia Commons.