Der schönste Busen der Welt
| Filmdaten | |
|---|---|
| Plattdüütsch Titel: | — |
| Originaltitel: | Der schönste Busen der Welt |
| Düütsch Titel: | Der schönste Busen der Welt |
| Produkschoonsland: | Düütschland |
| Johr vun’t Rutkamen: | 1990 |
| Läng: | 15 Minuten |
| Originalspraak: | Düütsch |
| Öllersfreegaav in Düütschland: | FSK Ahn Angaav |
| Filmkru | |
| Speelbaas: | Rainer Kaufmann |
| Dreihbook: | Jürgen Egger |
| Produkschoon: | Rainer Kaufmann Thomas Wöbke |
| Musik: | Nikolaus Glowna |
| Kamera: | Karl Walter Lindenlaub |
| Snitt: | Christopher Roth Rainer Kaufmann |
| Dorstellers | |
| |
Der schönste Busen der Welt (op Platt so veel as „De smuckste Bost vun de Welt“) is en düütschen Kortfilm vun Rainer Kaufmann ut dat Johr 1990. Dat Dreihbook dorto schreev Jürgen Egger na en Kortgeschicht vun Roland Topor. De Kummedie hannelt vun en Mann, de as dör’n Wunner de Titten vun en Fro kriggt.
Inholt[ännern | Bornkood ännern]
De Skretäärsche, Jeanette Apfel, is en Fro mit’n grote Boss. De Mannslüüd kiekt dor natürlich rop, man se sülvst ist dor nich tofreden mit, vun wegen, dat se vun de Mannslüüd nich eernst nahmen warrt. Een Dag stiggt se mit ehrn Baas tosamen in en Hotel af, in dat jüst to de Tiet ok de Beervertreder Simon Perelstein slöpt. Dorbi drapt se sik tofallig in’n Fohrstohl. As dat nich anners wesen kann, hett ok Simon blots Ogen för de Titten vun Jeanette. As se sik later noch mol in’n drangen Fohrstohl gegenöverstaht, passeert denn dat Unmöögliche: De Titten springt na Simon över.
Jeanette freit sik düchtig un kost ehr ne’e Freeheit ut. In’n Beroop hett se Spood un ehr Leefste, de ehr jüst verlaten will, vun wegen, dat he lüttere Titten lever lieden mag, hett op eenmol wedder ’n Oog för ehr. Simon dorgegen kummt mit sien ne’e Situatschoon natürlich nich klor, tomol de Titten ok so groot sünd, dat he jem nich versteken kann. He nimmt Kuntakt op to verscheden Facklüüd, de em aver all den Raat geeft, de Boss nich wegmaken to laten. Na un na warrt he aver dör sien Boss bannig bekannt, so dat he anfangt to överleggen in’t Showgewarf intostiegen.
As he denn aver vun en japaansche Firma för en Film ünner Verdrag nahmen warrt, üm den sik Jeanettes Agentur sorgen deit, loopt se sik noch mol wedder tofallig över’n Weg – in en Fohrstohl, jüst so as dormols in’t Hotel. De Boss springt dorbi wedder torüch na Jeanette. Beide harrn sik nu aver al an de ännerte Situatschoon gewöhnt un versöökt nu, dat Torüchspringen wedder torüchtodreihn, man dat haut nich hen. Opletzt warrt Simon un Jeanette en Poor.
Achtergrund[ännern | Bornkood ännern]
De Kortfilm is in de Kinos as Vörprogramm to den Film Abgeschminkt! vun Katja von Garnier wiest worrn. Beid tosamen kemen op en normale Läng för avendfüllen Kino. Mit 1,1 Millionen Besökers sünd de beiden Filmen to unvermoden Spood kamen un weern later ok tosamen op DVD publizeert.
Utteken[ännern | Bornkood ännern]
Rainer Kaufmann is för den Film mit den Sünnerpries as beste Speelbaas op dat Festival vun de Filmhoochscholen uttekent worrn. De Film sülvst kreeg den Prix Canal plus un weer för den Bundskortfilmpries vörslahn.
Websteed[ännern | Bornkood ännern]
- Der schönste Busen der Welt in de Internet Movie Database (engelsch)