Carme-Grupp

Dat Diagramm stellt de Bahnhalfassen (in Mio. km, waagrecht Ass) un de buteren Jupiter-Maanden gegen de Inklinatschoon (in °, Halfbagen) dor. De roten Kreisen düüdt de Maandradien an. De gelen Lienen markkeert den Speelruum twüschen den neegsten un wietsten Punkt vun’n Jupiter.

Utsnitt ut dat bövere Bild, dat de Carme-Grupp verdüdlichen deit.

As Carme-Grupp warrt en Koppel vun Jupitermaanden tohopenfaat, de sik op teemlich lieke Ümloopbahnen üm Jupiter rüm bewegt. Man een vun de Maanden fallt dor so en beten rut. Nöömt is de Grupp na den Maand Carme, de de gröttste vun disse Koppel is.

De groten Halfassen vun jemehr Bahnen liggt dorbi twüschen 22,9 un 24,1 Millionen Kilometers, de Exzentrizitäten sünd twüschen 0,25 un 0,43 un de Inklinatschonen – dat heet, woveel de Bahn gegen den Jupiteräquater neegt is – hebbt Weerten twüschen 164,9° un 165,5°. De Maanden sünd dorbi all torüchlöpig, bewegt sik also gegen den Dreihsinn vun de Jupiterrotatschoon.

Opstunns warrt to de Carme-Grupp 17 Maanden torekent. Dat sünd mit tonehmend Afstand vun’n Jupiter:

• Herse
• S/2003 J 10
• Pasithee
• Chaldene
• Arche
• Isonoe
• Erinome
• Kale
• Aitne
• Taygete
• S/2003 J 9
• Carme
• Eirene
• S/2003 J 19
• Kalyke
• Eukelade
• Kallichore

S/2003 J 10 is de Maan, de ’n beten wat afwiekt vun de Grupp, wiel he mit 0,4295 en düchtig grote Exzentrizität hett. Man sünst is de Grupp bannig homogen.

De Internatschonale Astronoomsche Union (IAU) vergifft för Maanden vun’n Jupiter mit en retrograde (torüchlöpige) Bahn Naams, de op e endt.

Maanden vun den Planeten Jupiter

Nöömt:  Adrastea | Aitne | Amalthea | Ananke | Aoede | Arche | Autonoe | Callirrhoe | Carme | Carpo | Chaldene | Cyllene | Dia | Eirene | Elara | Erinome | Ersa | Euanthe | Eukelade | Eupheme | Euporie | Europa | Eurydome | Ganymed | Harpalyke | Hegemone | Helike | Hermippe | Herse | Himalia | Io | Iocaste | Isonoe | Kale | Kallichore | Kallisto | Kalyke | Kore | Leda | Lysithea | Megaclite | Metis | Mneme | Orthosie | Pandia | Pasiphae | Pasithee | Philophrosyne | Praxidike | Sinope | Sponde | Taygete | Thebe | Thelxinoe | Themisto | Thyone | Valetudo

Ahn Naam:  S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Koppels:  Amalthea-Grupp | Galileische Maanden | Himalia-Grupp | Ananke-Grupp | Carme-Grupp | Pasiphae-Grupp

Kiek ok na bi: List von de Jupiter-Maanden