CA-10
De CA-10 is en Straat, de to dat Stratennett von de Rutas Centroamericanas tohöört un dör de Staten Honduras un Guatemala föhrt. Binnen Honduras is de Straat 22 Kilometer lang un binnen Guatemala 97 Kilometer.
Verloop[ännern | Bornkood ännern]
De Straat nimmt ehren Anfang an de CA-4 in Sinuapa (bi Nueva Ocotepeque) in dat Departamento Ocotepeque, Honduras. Von dor löppt se na Noordoosten dör dat Daal von’n Río Lempa un dör de Öörd Santa Fe un Agua Caliente. Bi Agua Caliente löppt de Straat över de Grenz na Guatemala.
Se löppt denn na Esquipulas un föhrt von dor na Westen, bet se in dat Municipio Quetzaltepeque op de CA-12 drippt. Von dor löppt de CA-10 na Noorden op Quetzaltepeque to un denn na San Jacinto un Vado Hondo, wo se op de CA-11 drippt. Dör dat Daal von Río Shutaque, Río San José un Río Grande de Zacapa löppt se nu över de Öörd San Esteban, Chiquimula, La Fragua (dor anbunnen an de RN-20 un de Stadt Zacapa) un Estanzuela na Río Hondo, wo se in de CA-9 münnt.