CA-12

Vun Wikipedia

De CA-12 is en Straat, de to dat Stratennett von de Rutas Centroamericanas tohöört un dör de Staten El Salvador un Guatemala föhrt. Binnen El Salvador is de Straat 128 Kilometer lang un binnen Guatemala 21 Kilometer.

Verloop[ännern | Bornkood ännern]

De Straat nimmt ehren Anfang an de CA-10 in dat Municipio Quetzaltepeque, Departamento Chiquimula, Guatemala. Von dor löppt se na Süden an Concepción Las Minas langs na de Staatsgrenz to El Salvador (Río Anguiatú). De eerste Oort in El Salvador is Frontera Anguiatu in dat Departamento Santa Ana. De Straat löppt wieder na Süden un över de Stadt Metapán (dor anslaten an de CA-3) un an Laguna de Metapán un Lago de Guija langs. Se föhrt över Texistepeque na Santa Ana. Dor münnt se in de CA-1. Wenn een dor dree Kilometer na Noordwesten op de CA-1 föhrt un dor afföhrt, kummt een na’n tweten Afsnidd von de CA-12, de von Santa Ana bet na Acajutla löppt.

De Straat föhrt na de Cordillera Apaneca, dör’n Oort Los Naranjos un an’n Vulkaan Santa Ana langs. Nadem se över de Vulkaanbargen röver is, löppt se dör dat Daal von Río Tenquiza un Río Senzunapan. Se löppt över El Chaparrón na Sonzacate un Sonsonate. Dor münnt de CA-8 in de CA-12. Kort vör Acajutla krüüzt de CA-2 de CA-12. De CA-2 löppt de Küst langs. De CA-12 ennt denn in Acajutla an’n Anlegger in’n Haven.