Augustendorp

Vun Wikipedia
(wiederwiest vun Augustendorf)
Zur Navigation springen Zur Suche springen
Wapen/Flagg Koort

Wapen vun Augustendorp

Augustendorp
Laag vun Augustendorp in Düütschland
Basisdaten
Bundsland: Neddersassen
Landkreis: Rodenborg
Gemeen: Gnarrenborg
Flach: 10,66 km²
Inwahners: 276 (2011-12-3131. Dezember 2011)
Inwahnerdicht: 25,9 Inwahners pro km²
Postleettall: 27442
Vörwahl: 04763
Geograafsche Laag:
Koordinaten:53° 23′ N, 9° 4′ O
53° 23′ N, 9° 4′ O
KuhsKuhstermoorGlinstFohrendörpKlenkendörpBrillitKorlshöbenLangenhusenGnarrenborgFindörp (Düvelsmoor)Barkhusen (Gnarrenborg)Augustendorp
Laag von Augustendorp in de Gemeen Gnarrenborg (Koort lett sik anklicken)

Augustendorp (hoochdüütsch Augustendorf) is en Dörp in de Gemeen Gnarrenborg in’n Landkreis Rodenborg, Neddersassen.

Geografie[ännern | Bornkood ännern]

Augustendorp liggt in’t Düvelsmoor. Na Süüdoosten to liggt dat Huvenhoopsmoor mit’n Huvenhoopssee. De Oost liggt so bi twee Kilometer in’n Oosten.

De Naveröörd sünd Klenkendörp in’n Noorden, Heinrichsdörp in’n Noordoosten, Ochenhusen in’n Oosten, Glinst mit Forstoort-Anfang in’n Süden, Barkhusen in’n Süüdwesten un Langenhusen in’n Noordwesten.

Historie[ännern | Bornkood ännern]

Augustendorp is 1828 as Stratendörp un Moorkolonie ünner Moorkommissar Claus Witte grünnt worrn. Den Naam hett dat Dörp na de Prinzessin Auguste von Hessen-Kassel.

Leevt hebbt de Lüüd toeerst vör allen von’n Törfafbo, de op Bullen över den Augustendörper Schippgraven, de 1852 boot worrn is, un den Oost-Hamm-Kanaal na Bremen un Bremervöör schippert worrn is.

In’n Eersten Weltkrieg sünd 28 Soldaten ut Augustendorp fullen oder vermisst un in’n Tweten 38[1].

An’n 8. April 1974 is Augustendorp bi de Gemeenreform in Neddersassen mit de Gemeen Gnarrenborg tohoopleggt worrn.

Inwahnertall[ännern | Bornkood ännern]

Johr Inwahners
1848-00-001848[2] 230 Lüüd. 40 Hüüs
1910-12-011. Dezember 1910[3] 328
1925-00-001925[4] 365
1933-00-001933[4] 328
1939-00-001939[4] 309
2005-12-3131. Dezember 2005 304
2008-12-3131. Dezember 2008 293
2011-12-3131. Dezember 2011[5] 276

Religion[ännern | Bornkood ännern]

Augustendorp is evangeelsch-luthersch präägt un höört to dat Kaspel Gnarrenborg.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Wapen[ännern | Bornkood ännern]

Dat Wapen wiest op grönen Grund un op en blauen Footschild en Törfbull.

Börgermeesters/Oortsvörstänn[ännern | Bornkood ännern]

Börgermeester:

  • 1946–1964: Hinrich Metscher
  • 1964–1974: Hermann Schröder

Oortsvörstand:

  • 1974–1986: Hermann Schröder
  • 1986–: Friedrich Metscher
  • opstunns: Roland Caillé

Kultur[ännern | Bornkood ännern]

Augustendorp hett mit’n Histori­schen Moorhoff en lütt Museum, wat 1988 inricht worrn is un dat wat vertellt över dat Moor un de Moorkolonisation.

Verenen[ännern | Bornkood ännern]

De Freewillige Füürwehr is 1936 grünnt worrn un de Schützenvereen 1924.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Dörpstraat sünd de Kreisstraten K 103 un K 148. De K 103 löppt in’n Noordwesten in Langenhusen an de K 102 ran, de ünner annern na Gnarrenborg un Bremervöör föhrt. De K 148 kummt von Glinst in’n Süden un löppt in’n Noordoosten na Heinrichsdörp, Immenhain un Sandbossel.

De nächste Autobahn is de Autobahn 1 (Afsnidd HamborgBremen). De Opfohrt 48 Elsdörp liggt so 31 Kilometer in’n Süüdoosten von Augustendorp an de L 131.

Scholen[ännern | Bornkood ännern]

De eerste School in Augustendorp hebbt se 1842 boot. De hüdige School is 1923 boot worrn.

Literatur[ännern | Bornkood ännern]

  • Chronik der Ortschaft Augustendorf.

Footnoten[ännern | Bornkood ännern]

  1. http://augustendorf.kkbz.de/index.php?option=com_content&task=view&id=19&Itemid=33
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
  3. http://www.gemeindeverzeichnis.de/gem1900/gem1900.htm?hannover/bremervoerde.htm
  4. a b c http://www.verwaltungsgeschichte.de/bremervoerde.html
  5. http://www.gnarrenburg.de/default.cfm?mid=32739

Weblenken[ännern | Bornkood ännern]

Commons-logo.svg Augustendorp. Mehr Biller, Videos oder Audiodateien to’t Thema gifft dat bi Wikimedia Commons.