Andamanenaante

Vun Wikipedia
Zur Navigation springen Zur Suche springen
Andamanenaante;

Andamanen-Wittkehlaant(e)

Andamanenaanten
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Gösevagels (Anseriformes)
Familie: Aantenvagels (Anatidae)
Ünnerfamilie: Echte Aanten (Anatinae)
Tribus: Swemmaanten
Geslecht: Aanten an sik
Oort: Andamanenaante
Wetenschoplich Naam
Anas albogularis
Hume, 1873

De Andamanenaante oder Andamanen-Wittkehlaante (Anas albogularis) is en lüttje Aart mank de Aanten an sik, de to de Swemmaanten tohören doot. Faken warrt düsse Aante as en Unneraart vun de Indoneesche Wittkehlaante ankeken un unner den Naam Anas gibberifrons albogularis upföhrt.[1] Ok BirdLife International lett düt Taxon nich gellen un gifft dor düsse Aante densülvigen Status um, as de Sunda-Wittkehlaante („gor keen Sorgen“).

Utsehn, Leven un Freten[ännern | Bornkood ännern]

De Andamanenaante is mehrstendeels bruun. Kopp un Hals sünd en beten at bleeker. De Aante hett en witten Ring um de Ogen to. Se leevt in Mangroven un Lagunen, hen un wenn is se ok in Swemmbäder in de Goorns vun Minschen to finnen, de up de Andamanen leevt. Over Nacht gaht se up de Riesfeller to’n freten. De Brödeltied geiht vun Juli bit Oktobermaand. De Aanten maakt en Nest ut Gras un leggt dor um un bi negen Eier rin. Lang weer annahmen wurrn, düsse Vagels bröödt in holle Böme, man dor gifft dat keen Bewies for. De Andamanenaante fritt nich bloß Planten, man ok Weekdeerter un Liddföte.

Wo de Aante vörkamen deit[ännern | Bornkood ännern]

De Vagel leevt up de Inselgrupp vun de Andamanen in den Golf vun Bengalen twuschen Indien un Myanmar. Bi en Unnersöken in de Johre 19951998 is taxeert wurrn, datt de Populatschoon vun düsse Aante bloß noch bi 500 – 600 Deerter groot is. Wenn de IUCN den Status vun düsse Aante as egene Aart gellen laten dö, denn so möss se wohrschienlich en annern Status up de Rode List kriegen.

Belege[ännern | Bornkood ännern]

  1. Howard and Moore Complete Checklist of the Birds of the World, 2003

Kiek ok bi[ännern | Bornkood ännern]