Echte Aanten

Vun Wikipedia
Echte Aanten
Bahamaaante (Anas bahamensis)
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Gösevagels (Anseriformes)
Familie: Aantenvagels (Anatidae)
Ünnerfamilie: Echte Aanten (Anatinae)
Wetenschoplich Naam
Anatinae
Leach, 1820
Waart vun de Mandarinaant
Eideraanten

De Echten Aanten (Anatinae) sünd en Unnerfamilie vun de Aantenvagels. Mank de Wetenschopslüde warrt dor in'n Momang veel over snackt, wecke Aarden dor nu tohören doot un wecke nich. In de Morphologie vun de Aarden is in leste Tied allerhand Neets rutfunnen wurrn, vundeswegen möss dor bannig umstellt weern. Fröher sünd to düsse Unnerfamilie all Aanten torekent wurrn, de nich to de Göse tellen döen. Vundeswegen hett dat Taxon Anatinae dormols eenfach den Naam Aanten harrt. Midderwielen is dat rukamen, datt de Halfgöse un de Prickelsteertaanten en besunnere Rull as Unnerfamilie in de Familie vun de Aantenvagels speelt un nich (mehr) to de Anatinae tohören doot. Hüdigendags weert bloß noch de Swemmaanten, de Dükeraanten, de Seeaanten un Saagsnavels un twee annere Geslechter, de man wenig bekannt sünd (Tribus Malacorhynchini), as Anatinae gellen laten. Düsse Artikel un all annere Artikels over Gösevagels up düsse plattdüütsche Wikipedia folgt den Vörslag, den Janet Kear for dat Indeelen un for de Systematik vun de Anatinae maakt hett. Kear is en Ornithologin, de sik bloß mit Aantenvagels befaten deit. Annere Lüde in de Wetenschop seht de Saak avers anners, as se un deelt de Vagels ok anners in. Dat leste Woort is in düsse Saak noch nich spraken. For düsse Wikipedia hefft wi as plattdüütschen Naam for de Anatinae den Naam Echte Aanten nahmen, as de Noordfresen dat ok maakt.

Systematik[ännern | Bornkood ännern]

Literatur[ännern | Bornkood ännern]

Weblenken[ännern | Bornkood ännern]

Echte Aanten. Mehr Biller, Videos oder Audiodateien to’t Thema gifft dat bi Wikimedia Commons.