Janet Kear

Vun Wikipedia

Janet Kear OBE (* 13. Januar 1933 in London; † 24. November 2004) is en brittsche Ornitholoogsche ween, de sik sunnerlich mit Aantenvagels befaat hett. Kear is boren in London. Unner annern hett se Walthamstow Hall besocht, Sevenoaks, Caspar Junior College, Wyoming, King’s College London, un achternah dat Girton College in Cambridge. Dor hett se 1959 to'n Dokter promoveert mit en Arbeit over de Ökologie vun dat Freten bi Finken. In datsülvige Johr fung se an bi Peter Markham Scott sien Wildfowl and Wetlands Trust in Slimbridge, Gloucestershire un hett dor groten Andeel an harrt, datt de Hawaiigoos rett weern konn. 1970 is se Kuratersche vun een vun den Trust siene Zentrums in Martin Mere, Lancashire wurrn. 1981 bit 1991 is se Viez-Präsidentsche vun de British Ornithologists’ Union ween un vun 1991 bit 1995 weer se de eerste Fro, de Vörsitter vun düssen Bund ween is. Vun 1980 af an bit 1988 hett se dat ornitholoogsche Magazin Ibis rutgeven. Se hett en Reeg vun Böker schreven un hett dat Standardwark Ducks, Geese and Swans rutgeven. Dat is in twee Bänne rutkamen in den Verlag vun de Universität in Oxford. Man korte Tied, ehr dat Wark up'n Markt weer, is se storven. As Utteeknungen is se unner annern 1993 in den Order of the British Empire upnahmen wurrn.

Wat se rutbrocht hett (Utwahl)[ännern | Bornkood ännern]

  • Janet Kear: Food Selection in Certain Finches, with Special Reference to Inter Specific Differences, University of Cambridge, 1959.
  • Janet Kear: Flamingos. T. & A.D. Poyser, London 1975.
  • Janet Kear: The Hawaiian goose : an experiment in conservation (mit Andrew John Berger). Buteo Books, 1980, ISBN 0-931130-04-2.
  • Janet Kear: Man and Wildfowl. T. & A.D. Poyser, London 1990, ISBN 0-85661-055-0.
  • Janet Kear: Schwäne (düütsche Verschoon vun Swans) (mit Teiji Saga). Schirmer-Mosel Verlag GmbH, 1990, ISBN 3-88814-349-7.
  • Janet Kear (Rutg): Ducks, Geese and Swans. Oxford University Press, 2005, ISBN 0-19-854645-9.

Weblenken[ännern | Bornkood ännern]