America’s Sweethearts
| Filmdaten | |
|---|---|
| Plattdüütsch Titel: | — |
| Originaltitel: | America’s Sweethearts |
| Düütsch Titel: | America’s Sweethearts |
| Produkschoonsland: | USA |
| Johr vun’t Rutkamen: | 2001 |
| Läng: | 102 Minuten |
| Originalspraak: | Engelsch |
| Öllersfreegaav in Düütschland: | FSK 6 |
| Filmkru | |
| Speelbaas: | Joe Roth |
| Dreihbook: | Billy Crystal Peter Tolan |
| Produkschoon: | Billy Crystal |
| Musik: | James Newton Howard |
| Kamera: | Phedon Papamichael |
| Snitt: | Stephen A. Rotter |
| Szenenbild: | Garreth Stover |
| Kledaasch: | Ellen Mirojnick |
| Dorstellers | |
| |
America’s Sweetheart (op plattdüütsch so veel as „Amerika sien Leefsten“) is de Titel vun en US-amerikaansche Filmkummedie ut dat Johr 2001 vun den Speelbaas Joe Roth. De Film weer mit vele bekannte Stars besett, de Hööftrullen hebbt Catherine Zeta-Jones, Julia Roberts un John Cusack speelt.
Inholt[ännern | Bornkood ännern]
De Filmproduzent Lee Phillips hett en groot Problem: De Stars Eddie Thomas un Gwen Harrison hebbt tosamen en ne’en Film maakt un schüllt beide na de Premiere kamen. De beiden sünd Ehlüüd, de sik ut’nanner leevt hebbt un sik nu nich mol mehr ankieken möögt, man bi de Tokiekers kamt se blots an, wenn se tosamen optreden un sik as dat perfekte Poor präsenteren doot. Gwen hett intwüschen en Latino as Leefsten (in de düütschen Faten en Spanier), wiel Eddie na jemehr Ut’neengahn tosamenbroken un in en Nervenklinik kamen is.
Wat de Saak nich eenfacker maken deit is, dat de exzentrische Speelbaas un dreefacke Oscar-Priesdräger Hal Weidmann den Film nich vör de offizielle Vörföhren för de Press wiesen will. De Lüüd vun de Press wüllt aver al vörher Informatschonen hebben un laat sik nich geern henhollen. Also organiseert Phillips de Vörföhren in en Hotel in Nevada mööglichst wiet af, dat de Press gor nich eerst fröher weglopen kann.
Wiel Eddie sik tosamen mit sien Ex in dat Hotel ophollen deit, stellt he jümmer mehr fast, dat he sik in de verkehrte Fro verkeken hett. Em warrt kloor, dat he vele vun Gwen ehr slechte Sieten nich wohrnahmen hett, vunwegen dat he ehr för dat richtige Leven so sehn wullt hett, as se sik in de Filmrullen gifft. Togliek markt he, dat en annere Fro em jüst dat gifft, wat he bruken deit, neemlich Gwen ehr Süster un Assistensche Kiki. Kloor, dat dat wiel de Tiet in dat Hotel jümmer wedder to snaaksche un schenante Situatschonen kummt. So hullt Phillips de Press bi Stimmung un maakt togliek Warf för den ne’en Film.
Opletzt finnt denn wohrhaftig en Filmvörföhren statt, man anners as de Produzent un de bedeeligten dat vermoodt hebbt. Weidman hett neemlich all de Schauspelers un Mitarbeiters heemlich ahn jemehr Weten filmt un allns so tosamensneden, dat he dormit de Authentizität vun sien Warken nee defineeren kann. Dorbi kriegt se all jemehr Fett weg. Op de Presskunferenz vertellt Eddie Kiki un ok Gwen vun sien wohren Geföhlen. Kiki arbeit dorophen nich mehr mit ehr Süster as Assistentsche tosamen un kriggt unvermodens noch mol Opwind för ehr Loopbahn. Se nimmt ehr Süster in’n Arm un Eddie un Kiki geevt sik för de Reporters en Söten.
Kritik[ännern | Bornkood ännern]
James Berardinelli schreev op ReelViews, dat de Film dat Leven vun Hollywood-Droomporen as Nicole Kidman un Tom Cruise, Meg Ryan un Dennis Quaid oder Demi Moore un Bruce Willis thematiseert. Sünners de Figuren – ok vun de Nevenrullen – weer as grootordig besett ansnackt, wobi de Hööftdorstellers as en slaten Ensemble spelen de. Bernadelli loov wieter de scharpen Dialogen as ok de Regie un nööm den Film as de beste Kummedie vun’n Sommer 2001.[1]
Utteken[ännern | Bornkood ännern]
America’s Sweetheart weer in’t Johr 2002 mit den ASCAP Award in de Kategorie Top Office Box Films för de Filmmusik vun James Newton Howard uttekent.
Anners wat[ännern | Bornkood ännern]
De Produkschoon hett üm un bi 48 Millionen US-Dollars köst. Dorgegen staht Innahmen alleen ut de US-amerikaanschen Kinos in Hööch vun 94 Millionen US-Dollar. Dormit tell he 2001 to de finanziell spoodrieksten Filmen.
Julia Roberts för to Anfang egentlich för de Rull Gwen Harris vörsehn, man se wull den doch lever de Kiki spelen, de ehr Ansicht na mehr Afwesseln beden de. För de Rull Hector weer eerst Robert Downey Jr. vörsehn, he weer aver kort för’n Anfang vun’t Dreihn wegen den Verdacht op Drogenbesitt fastnahmen.
In en korte Nevenrull is to Anfang Larry King to sehn, de sik sülvst in sien Talkshow speelt.
Borns[ännern | Bornkood ännern]
Weblenken[ännern | Bornkood ännern]
- America’s Sweethearts in de Internet Movie Database (engelsch)
- Kritiken to’n Film op Rotten Tomatoes
- Kritiken ut sammelte Dagblööd op Metacritic.com