Alnilam

Vun Wikipedia
Wesseln na: Navigatschoon, Söök
Alnilam
Orion constellation map.png
Alnilam (ε Ori) is de middlere Steern vun’n Gördel
Positschoon un Beteken
Steernbild Orion; Ori
Rektaszension 5h36m12,8s
Deklinatschoon -1°12′6,9″
Annere Naams Alnihan, Alnitam
Bayer-Beteken ε
Flamsteed-Tall 46
Bright-Star-Kataloog HR 1903
Henry-Draper-Kataloog HD 37128
SAO-Kataloog SAO 132346
Physikaalsch Parameter
Afstand 1.200 [1] Lj
schienbor Helligkeit +1,69
Spektralklass B0 Ia[2]
Sünnerheiten ännerlich

Alnilam is de Egennaam vun den Steern ε Orionis in’t Steernbild Orion. Mit sien schienbore Helligkeit vun 1,7m is dat de veertheelste Steern in’n Orion un de dörtighellste an’n helen Himmel. Alnilam is de middelste Steern vun den Gördel.

Naam[ännern | Bornkood ännern]

De Naam kummt vun’t Araabsche النظام an-niżām un hett mit dat Woort نظم nażm to doon, wat so veel heet as „Perlensnoor“. Annere Beteken sünd Alnihan un Alnitam. All dree Schrievwiesen sünd aver man verkehrte ÖVersetten vun den oorsprünglichen araabschen Naam.

Egenschoppen[ännern | Bornkood ännern]

Alnilam is en blauen Överrees mit den dörtigfacken Radius vun de Sünn un en Temperatur an de Böverflach vun ruchweg 25.000 K. Sien Lüüchtkraft is 375.000-mol so groot as de vun uns Sünn. Siet 1943 deent dat Spektrum vun den Steern as en bestännige Grundlaag to’n Indeelen vun annere Steerns, vunwegen dat dat teemlich eenfack opboet is.

Ümgeven is Alnilam vun en molekulare Wulk (NGC 1990), de vun den Steern to’n Lüüchten anregt warrt. Bito is Alnilam en pulseren ännerlichen Steern vun’n Deneb-Tyyp. De Astronomen gaht dorvun ut, dat sik Alnilam in de nächsten Million Johren to en Ro’en Överrees entwickeln deit un denn as Supernova explodeert.

Borns[ännern | Bornkood ännern]

  1. Datenblatt bi SIMBAD
  2. Hipparcos-Kataloog (ESA 1997)

Weblenken[ännern | Bornkood ännern]

Commons-logo.svg Alnilam. Mehr Biller, Videos oder Audiodateien to’t Thema gifft dat bi Wikimedia Commons.