Airplane II: The Sequel

Vun Wikipedia
Zur Navigation springen Zur Suche springen
Filmdaten
Plattdüütsch Titel:
Originaltitel: Airplane II: The Sequel
Düütsch Titel: Die unglaubliche Reise in einem verrückten Raumschiff
Produkschoonsland: USA
Johr vun’t Rutkamen: 1982
Läng: 81 Minuten
Originalspraak: Engelsch
Öllersfreegaav in Düütschland: FSK 6
Filmkru
Speelbaas: Ken Finkleman
Dreihbook: Ken Finkleman
Produkschoon: Howard W. Koch
Musik: Elmer Bernstein
Richard Hazard
Kamera: Joseph F. Biroc
Snitt: Tina Hirsch
Dennis Virkler
Szenenbild: William Sandell
Kledaasch: Rosanna Norton
Dorstellers

Airplane II: The Sequel (op plattdüütsch so veel as „Fleger II: De Foortsetten“; dt. Titel: Die unglaubliche Reise in einem verrückten Raumschiff) is de Titel vun en US-amerikaansche Filmkummedie ut dat Johr 1982. Di Film stellt en Parodie op de Katastrophenfilmen ut de 1970er Johren dor un föhrt dat Kunzept un de Geschicht vun den Film Airplane! vun 1980 wieter. Vele rullen ut den eersten Film sünd wedder mit dorbi, wiel de Produkschoonskru grotendeels uttuuscht weer. Dat Dreihbook hett Ken Finkleman schreven, de ok Speelbaas weer.

Inholt[ännern | Bornkood ännern]

De Mayflower I ünnernimmt mit sien Passageren de eerste kommerzielle Reis na’n Maand. Man, al kort na’n Start gifft dat düchtige Maleschen an Boord, vunwegen dat bi’n Bo teemlichen Murks maakt woorn is. De Piloten vun den Fleger versöökt den Boordreekner afstostellen, de nich mehr ünner Kontroll to bringen is, un warrt foorts vun’t boordegene Sekerheitssystem an de Siet maakt.

An Boord vun de Ruumfähr is ok de traumatiseerte Air-Force-Veteran Ted Striker, de as Testpilot över den Murks Bescheed wüss, man dör en Inwiesen in en Irrenanstalt to’n Swiegen bröcht warrn schüll. He künn aver rechttietig utrieten un noch en Platz in de Mayflower kriegen, vunwegen dat ok sien Fründin Elane dor as Stewardess arbeit. Dör de Fehlfunkschoon vun’n Boordreekner drauht de Fähr in de Sünn to störten, also övernimmt Ted dat Kommando in’t Cockpit. An’t Enn kann he den Boordreekner mit de Tietbomb vun en Passageer in de Luft jagen un dat Ruumschipp na’n Maand bringen. Mit en Brooklannen kann he de Mayflower to’n Anhollen bringen. So reddt he nich blots de Passageren, man tosamen mit Elane kann he sik eenmol mehr över en Happy End frein.

Kritik[ännern | Bornkood ännern]

  • Dat Lexikon vun’n internatschonalen Film seeg in den Film en Foortsetten vun Airplane! mit en Füll vun Gags, Albernheiten un Unsekerheiten vun’n go’en Smack. För Frünnen vun’n Nonsens weer he aver hööglig wegen de Veeltall vun Anspelen op Hollywood un dat Witte Huus (samt Präsident) in Washington. [1]
  • TV Spielfilm beteken den Film as en galaktisch Gag-Füerwark in’t Weltall.[2]
  • Dat Magazin VideoWoche oordeel, dat Finkleman sien eersten Film as Speelbaas op keen Fall en Foortsetten vun den Kultfilm Airplane! vun Zucker-Abraham-Zucker weer, man eher en möden Afklatsch vun jemehr hoochkomische un brillante Gags. Sogor de Besetten weer övernahmen worrn. De Film weer bannig albern un barg vele Anspelen op Hollywood, dat Witte Huus un den Präsidenten, künn aver för Frünnen vun’n Nonsens woll hööglig wesen.

Anners wat[ännern | Bornkood ännern]

De Film is an’n 10. Dezember 1982 in de US-amerikaanschen Kinos anlopen un hett an’t eerste Wekenenn runchweg 5,33 Millionen US-Dollar inspeelt. Altosamen hett de Film in de USA 27,15 Millionen US-Dollar inbröcht.

2001 is de Film as VHS-Video rutkamen, 2003 ok op DVD.

Borns[ännern | Bornkood ännern]

  1. Kritik in’t Lexikon vun’n internatschonalen Film
  2. TV Spielfilm: Filmkritik

Weblenken[ännern | Bornkood ännern]