Adolfo Lizarraga

Vun Wikipedia
Zur Navigation springen Zur Suche springen

Francisco Adolfo Lizarraga (* 26. Dezember 1935; † 23. November 2012 in New Orleans) weer en Politiker ut Belize (PUP).

Leven[ännern | Bornkood ännern]

Lizarraga is 1935 as Söhn von Gwendolyn Lizarraga (11. Juli 1901–9. Juni 1975) un Victor Manuel Lizarraga boren.[1] He weer op dat St. John’s College in Belize-Stadt un op de St. Louis University, üm dor Luftfohrt-Inschenör to studeren.[2]

He weer 54 Johr lang mit Magdalena Osorio Lizarraga verheiraadt.[1] De beiden harrn söven Kinner.[1]

Lizarraga hett as Redaktör för de Belize Times schreven.[1] Na siene Tied as Politiker is Lizarraga na New Orleans tagen un hett dor för de American Overseas Trading Company arbeidt.[1] As Rentner hett he en poor Johr lang wedder in San Estevan in Belize leevt.[2]

He is an’n 23. November 2012 in New Orleans doodbleven.[1] Siene Truurfier weer an’n 25. November.[1]

Politik[ännern | Bornkood ännern]

Lizarraga weer 1969 bet 1974 Afornten in’n Stadtraad von Belize-Stadt.[3]

Bi de Parlamentswahl in Belize 1974 weer he Kannedaat för de PUP in’n Wahlkreis Pickstock, för den vörher vele Johren lang siene Moder Afornte weer, de aver nich wedder antreden is. He hett de Wahl mit 49,3 % von de Stimmen gegen Paul Rodriguez von de UDP wunnen.

Dormit weer he von 1974 bet 1979 Afornten von dat Repräsentantenhuus von Belize. In düsse Tied weer he ok Viez-Spreker von dat Repräsentantenhuus.[1]

Footnoten[ännern | Bornkood ännern]

  1. a b c d e f g h Naroop
  2. a b Former Mayor, Area Representative, Eminent Belizean Adolfo Lizarraga, passes, The Belize Times an’n 2. Dezember 2012, Sied 11
  3. Myrtle Palacio: Belize City Council Election Results 1962 to 2003