1000 Rosen
| 1000 Rosen | |
| Filmdaten | |
|---|---|
| Originaltitel: | 1000 Rosen |
| Produkschoonsland: |  Nedderlannen
|
| Johr vun’t Rutkamen: | 1994 |
| Läng: | 95 Minuten |
| Originalspraak: | Plattdüütsch (Mönsterländsk) |
| Öllersfreegaav in Düütschland: | FSK 16 |
| Filmkru | |
| Speelbaas: | Theu Boermans |
| Dreihbook: | Gustav Ernst |
| Produkschoon: | Matthijs van Heijningen |
| Musik: | Lodewijk de Boer |
| Kamera: | Theo Bierkens |
| Snitt: | René Wiegmans |
| Dorstellers | |
| |
1000 Rosen is een niäderländsken Film uut den Jaor 1994 van Theu Boermans met Marieke Heebink un Jaap Spijkers in de Hööwdrullen.
De Film het dat Theaterstücke mit den glieken Naome äs Grundlaoge, dat de öösterrieksken Schriewer Gustav Ernst 1990 schreiw. Hannes Demming un Georg Bühren hebbt dat Stücke up Mönsterländsk Platt översett. De Kritiken to’n Film sind düörmengt. De enen seet den Film as üöwer de Maten konstrueert an, anner priest den Realismus un Symbolismus. De Film het dree Gouden Kalveren up dat Nederlands Film Festival kriägen un het man doch kommertschell nich viäl Geld inbracht.
Aflaup
[ännern | Bornkood ännern]De Film spiält in ene lüttke naomenlause Industriestad in’n 1960-er Joren. Dat Liäwen van de Lüde, de in de Stad liäwt, hängt van de lokale Fabrik af, de Staoldraod för Tüne herstellt un in ene swaore finantschelle Laoge is. Gina het met iäre Moder tohaup enen lüttken Laden, de Wiärktüge för Huus un Gaorn verköfft. Hölp krigt Gina auk van iären Frönd Harry, den iäre Moder man nich liden mag. Gina iäre Dochter heit Liesje; de Vader is unkünnig.
Gina un iäre Moder kriegt sik in de Haoren, äs Gina enen Reekner köfft un den Bookhöller Kernstock instellt, üm dat se den egen Bedriew up den modernsten Stand bringen well. Äs kort daorupden Amerikaners is de Stad upduukt, packt de Inwuoners dat Verspriäken up niegen Riekedoom un Geld. Gina iär Onkel, een Bankdirekter, leent iär Geld, dat se den lüttken Bedriew uutbauen kann. De Amerikaners willt in de lüttke Industirestad Geld investeren, so dat Staoldraodfabrik eerstmaol uopen bliewen kann.
Mit den niegen Wuollstand kuomt man auk Probleme up. Gina iär Moder smitt iär Dochter uut’n Huus. Gina iär Frönd Harry faort sik sülvenst met’n Wagen giägen eee Wand, denn he is ieversieken up den Bookhöller Kernstock. Gina laat sik up Kernstock in, dreimt man van den Amerikaner Mr. Marshall. Äs nu ruutsuurt, dat Mr. Marshall siene Firma Marshall and Co. marode Fabriken alleen äs Spekulatschoonobjekte upköfft, geet de lüttke Industriestad daal. Alleen Ginas Dochter Liesje un de Onkel könnt uut de Stad wegkuomen, äs Rosenstrükers de Stad to’n Filmenne üöwerwassen doot.
Rullen
[ännern | Bornkood ännern]| Schauspiäler/ske | Rulle | Anmiärksels |
|---|---|---|
| Mariek Heebrink | Gina | |
| Jaap Spijkers | Harry | Ginas Frönd |
| Marianne Rogee | Ginas Moder | |
| Bert Geurink | Kernstock | |
| Tessa Lily Wnydham | Liesje | |
| Rik Lauspach | Mr. Marshall | de Amerikaner |
| Hannes Demming | Bankdirekter | Ginas Onkel |
| Busso Mehring | Beddelmann | |
| George Bühren | Bankanstellten | |
| Michael Mentens | Herr Offermans | |
| Camilla Mercier | Aule Frau | |
| Jean Vercoutre | Frabrikdirekter | |
| Clement Franz | Börgermeister | |
| Christian Deuson | Polizeiwaakmeister | |
| Frederic Menang | Afrikaner | |
| Jean Ndtoungon | Afrikaner | |
| Bernard Frehe | Paster | |
| Marisa van Eyle | Rita |
Achtergrund
[ännern | Bornkood ännern]De öösterrieksche Dramenschriewer Gustav Ernst wiest ene kranke Stad, in de dat Enne van de enige Fabrik draut. De Minsken maken sik ünner eenanner dat Liäwen suur un lastig. Äs dann Amerikaners kuomt in de Stad to investeren, huopet de Bewuoners up niegen Riekedoom. Man de Riekedoom maakt nich glücklik. 1000 Rosen is mit siene realistsche Szenerie ene Parabel för de Sellschop in Europa nao 1945. De Eerddeil was nao de Tweide Weltkireg in’n Duut un krank, man kruup wiär nao buowen mit de Baat van de Vereinigten Staoten. Nich sunner Ironie dregt de Amerikaner, de in de Stad de marode Fabrik üöwerniämen well Mr. Marshall, so ös auk de US-amerikaansche Butenminister George C. Marshall, de den Marshallplaan sienen Naom giäwen het. In den Augen van den Theaterschriewer Gustav Ernst brengt der Amerikaners man alleen Afgunst in dat Land un bekiekt de Hölp as ene Spekulatschoon un Investitschoon. De Rosenstrüker, de an dat Enne van den Film de lüttke Stad üöwerwassen, maakt an Doornröösken denken. De Achtergrundmusik is man de Melodie van dat Stabat Mater, enen kathoolsken Hymnus üöwer dat Lieden van Maria, so dat de Rosen eer den Daud van de Stadt bedüüdt, statts dat Verwaken uut enen langen Slaop.
Produktschoon
[ännern | Bornkood ännern]De Speelbaas Theu Boermans brachte dat Theaterstück 1000 Rosen 1990 mit Theatergruppe De Trust up de Büöne. Bi den Film bruuk he wiär enen Deil Schauspiälers uut düsse Theatergruppe. Äs enen Effekt, de Spraoke frömder to maken, küren de Schauspelers Mönsterländsk Platt.
Boermans nam de Film in 34 Dreidagen in dat süüdbelgske Duorp Bois du Luc un de Amsterdamske vüörmaolige Westergasfabriek up. Dat Budget för den Film was 2 Millionen Gullen (ca. 900.000 €).
Priesen
[ännern | Bornkood ännern]- (1994) 3 Gouden kalveren
- (1994) Gouden Kalf - (Beste lange Spiälfilm) - Matthijs van Heijningen
- (1994) Gouden Kalf - (Beste männlike Hoowdrulle) - Jaap Spijkers
- (1994) Gouden Kalf - (Beste wiewlike Hoowdrulle) - Marieke Heebink
Borns
[ännern | Bornkood ännern]- Rommy Albers, Jan Baeke, Rob Zeeman: Film in Nederland, 2004
- Jann Ruyters: 1000 Rosen, Wanhopig op zoek naar iets beters en mooiers, In: De Filmkrant, Nr. 148, September 1994
- Nederlandse Film Database (FilmTotaal.nl)
- Filmjaarboek 1990-1995