Hannes Demming

Vun Wikipedia
Zur Navigation springen Zur Suche springen
Hannes Demming

Hannes Demming (* 25. Mai 1936 in Mönster) is Schoolmeester, Schauspeler un plattdüütschen Schriever.

Demming is as öllst von söss Kinner in Mönster boren. Sien Kinnertied hett he in Mönster tobröcht. Mit’n Tweten Weltkrieg is he na Meneringsen, Gjermete, Stockum, un tolest 1953 na Nienkiärken evakueert worrn, wo he bet 1952 bleven is. Denn keem he wedder na Mönster. Inschoolt worrn is he 1942 in Gjermete un weer later denn in Stockum un Nienkiärken op Volksschool.

Von 1947 af an weer he op dat Gymnasium Dionysianum in Rhene un von 1952 af an op dat Paulinum in Mönster. Dor möök he 1956 ok sien Abitur. He hett denn von 1956 bet 1963 an de WWU Mönster Archäologie, Engelsch, Germanistik, Greeksch, Latien, Pädagogik, Philosophie un Psychologie studeert. He weer in disse Tied Warkstudent an de LVA Westfalen, Hülpsorganist un Köster an St. Aegidii in Mönster un wetsenschopliche Hülpskraft an dat Institut för Öllerdomskunn von de WWU Mönster. 1962 kreeg he sien eerst un 1964 sien tweet Staatsexamen.

Von 1963 bet 2000 weer Demming Schoolmeester an dat Augustinianum in Greven, dat Paulinum in Mönster, dat Kardinal-von-Galen-Gymnasium in Mönster, dat Petrinum Riäkelkusen un hett dor Latien, Greeksch, Engelsch, Musik, Mathematik un Literatur lehrt. 2000 is he denn in Pension gahn.

Sied 1955 weer he bi de Städtischen Bühnen in Mönster, toeerst as Singer, sied 1961 as Schauspeler un sied 1997 as Speelbaas op de Plattdüütsche Bühn Mönster, von de he sied 1974 ok de Baas is. 1962 harr he ok as fre’en Mitarbeider anfungen för den WDR un annere Senners (NDR, HR, Radio Bremen, DF, Rundfunk von de DDR) un weer dor Singer, Spreker, Översetter för nedderlandsche Höörspelen un Sennungen un Autor von Höörspelen.

As Feernsehschauspeler hett he ünner annern in Die zweite Heimat – Chronik einer Jugend un Die Anrheiner mitspeelt. Ünner den Schrieversnaam Holsken Hannes hett he von 1978 bet 2007 Glossen för de Münstersche Zeitung schreven.

Warken[ännern | Bornkood ännern]

Musik[ännern | Bornkood ännern]

  • De Kipenkerl segg „Frohe Wiehnachten“. LP, MOD-Verlag, Mönster 1977
  • Mien Hiärt, nu sing! LP
  • Suermoos un Candlelight. CD, Klangsinn, Dülmen 2004

Böker un Theaterstücken[ännern | Bornkood ännern]

  • Jöppe in ’t Paradies. Kumellge in drei Akte. Mahnke, Veern 1976 (na Paul Schurek)
  • De Bruoken Kroos. (na Heinrich von Kleist sien Der zerbrochene Krug), Städtische Bühnen Mönster, 1985
  • August de Biärghase. Komödie na Kurt Rossa. ahn Oort 1986
  • Fabel-Fibel. Aschendorff, Mönster 1989
  • Straotenmusik. Komödie na Paul Schurek, ahn Oort 1994
  • Asterix un de Kuopperpott, Stuttgart 2000
  • Appeln in Naobers Gaorn. Kumelge in drei Uptröge. (na Walter A. Kreye), Mahnke, Veern 2003
  • Dat Spiel van Doktor Faust. Städtische Bühnen Mönster, 2006

Rutgever[ännern | Bornkood ännern]

  • W. Rosemann: Spiellwiärks. Aschendorff, Mönster 1988
  • Karl Wagenfeld: Gesammelte Werke. Band 3 un 4, Aschendorff, Mönster 1983/1992

Priesen[ännern | Bornkood ännern]

1990 hett he den Rottendorf-Pries un 1999 de Mönster-Nadel kregen. 2004 hett em de Gesellschop von de Musik- un Theaterfrünn Mönster un Ümgegend ehrn Theaterpries geven. 2012 hett de Carl-Toepfer-Stiftung den Fritz-Reuter-Pries an Demming utdaan.

Weblenken[ännern | Bornkood ännern]