Tim Wiese

Vun Wikipedia
Tim Wiese
Tim Wiese na dat Training
Spelerinformatschonen
Geboortsdag 1981-12-1717. Dezember 1981
Geboortsoort Bergisch GladbachDüütschland
Positschoon Doorhöder
Vereensinformatschonen
Vereen TSG 1899 Hoffenheim
Trikottall 1
Verenen in de Jöögd
1987–1989
1989–1999
DJK Dürscheid
Bayer 04 Leverkusen
Verenen as Speler1
Johren Vereen Spelen (Doren)
1999–12/01
01/02–2005
2005–2012


2012

Fortuna Köln
1. FC Kaiserslautern
Werder Bremen
TSG 1899 Hoffenheim
27 (0)
65 (0)
194 (0))
(0)
Natschonalmannschop2
2003-2004
2008-
Düütschland U-21
Düütschland
13 (0)
6 (0)

1 Blots Liga-Spelen.
 Stand: 22. Juli 2012
2Stand: 22. Juli 2012

Tim Wiese (* 17. Dezember 1981 in Bergisch Gladbach) is en düütschen Football-Doorhöder.

Sien sportlichen Weg[ännern | Bornkood ännern]

Vereen[ännern | Bornkood ännern]

Toeerst, as he in de E-Jugend vun den DJK Dürscheid noch ganz an’n Anfang vun sien Weg as Footballspeler stünn, weer Tim Wiese noch Störmer. Denn güng he na’n nee Vereen Bayer Leverkusen. Vunwegen dat he dor Problemen mit siene Achillessehn harrt hett, hett de Trainer em in’t Door stellt. Dor is he dör all Jugendmannschuppen dörlopen. Siene eerste Profimannschup weer Fortuna Köln in de Regionalliga Noord. Dor hett Gerald Ehrmann em to sehn kregen. De weer dormols Doorhöder-Trainer bi den 1. FC. Kaiserslautern. Wiese wessel na’n Betzenberg un schaav den Stammdoorhöder Georg Koch al gau an’e Siet. 2005 is he na den SV Werder Bremen hengahn. Dor hett he toeerst en Verdrag bit 2008 harrt. An’n 19. Oktober 2007 hett he düssen Verdrag, de utlopen dö, al vör de Tied verlängert bit 2012.[1]

In de Saison 2004/2005 is an’t Enne vun de Vörrunn Wiese sien Krüüzband in’t lunke Knee reten. Den Rest vun de Saison möss he dor tokieken. As he sik up de nee Saison vörbereiden dö, güng de Sake noch mol wedder los, un he is mehrere Maanden utfullen.

Toeerst hett he in Bremen mit Andreas Reinke üm en Stammplatz streden. As Reinke verletzt weer un Wiese in’t Door stünn, dor hett he an’n Avend vun’n 7. März 2006 kort vör dat Enne vun dat Speel in de Champions-League gegen Juventus Turin en Riesenfehler maakt. De Experten menen ganz övereen, dor harr dat an legen, dat Werder in’t Achtelfinal utscheden weer.

Man in’n Februar 2008 hefft se al dösig keken, as he binnen veer Dage dree Ölvenmeters ut dat Speel herut holen dö.

To de Saison 2012/2013 is he to de TSG 1899 Hoffenheim wesselt. Dor is he aber överhoopt nich torechkommen. Nah blots 10 Spelen verlor he eerst sien Stammplatz un nahderhand hett he blots noch up de Tribüün seeten un wurr in de Trainingsgruppe 2 afschaven. An' 21. Januar 2014 hett he sien Verdrag im gegenseitigen Einvernehmen uplööst.

Natschonalmannschup[ännern | Bornkood ännern]

Wiese hett alltohopen 13 Spelen för de düütsche U-21 maakt. He haap, he scholl woll ok for de Natschonalmannschup beropen weern, man toeerst is dor nix vun wurrn. In’n September 2007 hett he sik dorüm mit den Bundstrainer Joachim Löw anleggt, vunwegen dat he apentlich dor över rümqueest harr.

An’n 14. August 2008 is he denn avers doch to’n eersten Mol för en Speel vun de A-Natschonalmannschup beropen wurrn, vunwegen dat René Adler sik verletzt harr. [2] He weer dor woll in de Mannschop, man mitspeelt hett he nich. Sien eerst (inoffiziell) Speel mit de Düütsche Mannschop hett he denn an'n 2. September 2008 in München bi dat Afscheedspeel vun Oliver Kahn gegen den FC Bayern München maakt. Dor is he in de Halftiet för Robert Enke inwesselt wurrn.

An'n 19. November 2008 hett he sien eerst offiziell Lännerspeel maakt. Dor is he gegen England in de Halftied inwesselt wurrn för René Adler. Dat Speel güng 2:1 för England ut. All tosommen keem he up söss Lännerspelen.

Wat he tostanne bröcht hett[ännern | Bornkood ännern]

Borns[ännern | Bornkood ännern]

  1. Werder.de: Tim Wiese verlängert bei Werder bis 2012
  2. dfb.de: Adler fällt für Belgien-Spiel aus - Tim Wiese neu im Kader

Weblenks[ännern | Bornkood ännern]