Paul Lücke

Vun Wikipedia
Paul Lücke, 1962

Paul Lücke (* 13. November 1914 in Schöneborn (Marienheide); † 10. August 1976 in Erlangen) weer en düütsch Politiker (CDU) un Bundsminister.

Utbildung und Berop[ännern | Bornkood ännern]

Nah de Besök vun de Volksschool hett Lücke van 1928 bit 1931 en Schlosserlehre makt un 1935 sien Wehrdeenst afleist. In’ Tweeten Weltkrieg studeer he neben sien Deenst bi de Wehrmacht in Berlin Maschinenbo. 1944 verlor he bi en Angreep vun de Résistance en Been un wurr vörövergahn ok blind. Nah den Krieg weer he as Kommunalbeamter in’ Oberbergischen Kreis, toletzt af 1947 as Amtsdirekter in Engelskirchen tätig. Van 1954 bit 1966 weer he Präsident vun de Düütschen Gemeindedag. 1962 weer Lücke Präsident vun den 79. Düütschen Katholikendag in Hannober. Van 1969 bit to sien Dood weer he Leiter vun de Deutschen Wohnungsbaugesellschaft in Köln. Sien letzte Ruh funn he in Bensberg.

1963 wurr Lücke Ehrenliddmaat vun de Kathoolsch Studentenverbindung Urach Freiburg in de Kartellverband katholischer deutscher Studentenvereine(KV).

Lücke weer verheiraadt un harr söss Kinner. Sien Dochter Maria Theresia Opladen (*1948) wurr Liddmaat in den Landdag vun Noordrhien-Westfalen un Börmeestersche vun Bergisch Gladbach.

Partei[ännern | Bornkood ännern]

Lücke harr sück in de kathoolsch Jöögs engageert un hörr 1945 to de Mitbegrünner vun de CDU in de Oberbergischen Kreis. Nahdem de FDP-Minister upgrund vun de Spiegel-Affäre torüchtreden weern, hett he af den 26. November 1962 mit Billigung vun Bundskanzler Konrad Adenauer gemeensam mit Karl Theodor Freiherr von und zu Guttenberg (CSU) bi Herbert Wehner (SPD) de Mögelkeiten för en Groot Koalition sondeert. Dat gung an’1. Dezember 1962 in offiziell Koalitionsverhandlungen över. De Verhandlungen sünd aber an’ 5. Dezember scheitert, wiel de CDU nich över en wiedere Kanzlerschap vun Adenauer snacken wull. Van 1966 bi 1969 weer he stellvertredend Bundsvörsitter vun de CDU.

Afordnter[ännern | Bornkood ännern]

Van 1949 bit 1972 weer Lücke Liddmaat vun den Düütschen Bundsdag. He hett immer dat Direktmandat wunnen. Hier weer he van’ 14. März 1950 bit 1957 Vörsitter vun den Utschuss för Wiederaufbau un Wohnungswesen. As Utschussvörsitter sett he de Schaffung vun dat Wohnungseigentumsgesetz dör, mit dat de Bau vun Eegendomswohnungen mögelk wurrn Ok de Inföhrung vun de Wohnungsbauprämie in dat Bausparrecht is vun hüm in de Weeg leidt wurrn.

Apenlich Ämter[ännern | Bornkood ännern]

Lücke (Midden links) mit geistlich Würdendrägers, Bonn 1961

Siet 1947 weer Lücke Amtsdirekter in de Gemeend Engelskirchen.

An’ 29. Oktober 1957 wurr Lücke Bundsminister för den Wahnbo, in de vun Konrad Adenauer föhrt Bundsregeeren un bleev dat ok ünner de Kanzlerschap vun Ludwig Erhard. In sien Amtstiet wurr dat Gesett över den Afbau vun de Wahndwangsweertschaun över en sozial Miet- un Wahnrecht besloten. Dat is 1960 in Kraft treden un broch en düütlich Inschränken vun de apenlich Wahnruumbeweertschoppen un hett dat Wahngeld inführt.

Nah de Bundsdagswahl 1965 wurr he an’ 26. Oktober 1965 Bundsbinnenminister un bleev dat ok later ünner den Bundskanzler Kurt Georg Kiesinger. As Binnenminister hett he sück för de Inföhren vun dat relative Mehrheitswahlrecht insett (harr he ok all vördem as Afordnter versöcht). Disse Plaan wurr aber sünners vun Ludwig Erhard aflehnt. Nahdem dat nu nochmals scheitert weer, is Lücke denn an’ 2. April 1968 vun sien Amt torüchtreden.

Ehrungen[ännern | Bornkood ännern]

In Schöneborn un Herkenrath wurr en Straat nah hüm nömmt.

Böker[ännern | Bornkood ännern]

Lücke, Paul: Ist Bonn doch Weimar? Der Kampf um das Mehrheitswahlrecht, Frankfurt am Main, 1968

Aretz, Jürgen: Paul Lücke (1914–1976), in: Jürgen Aretz/Rudolf Morsey/Anton Rauscher (Hrsg.), Zeitgeschichte in Lebensbildern: Bd. 11. Münster, Aschendorff 2004, S. 195–212, ISBN 3-402-06123-6


Weblenken[ännern | Bornkood ännern]