Paläogen
Vun Wikipedia
| Ärathem Ära |
System Periood |
Serie Epoch |
Stoop Öller |
≈ Öller (Mya) |
|---|---|---|---|---|
| K Ä N O Z O I K U M |
höger | höger | höger | jünger |
| Paläogen | Oligozän | Chattium | 23,03–28,4 | |
| Rupelium | 28,4–33,9 | |||
| Eozän | Priabonium | 33,9–37,2 | ||
| Bartonium | 37,2–40,4 | |||
| Lutetium | 40,4–48,6 | |||
| Ypresium | 48,6–55,8 | |||
| Paläozän | Thanetium | 55,8–58,7 | ||
| Seelandium | 58,7–61,7 | |||
| Danium | 61,7–65,5 | |||
| deeper | deeper | deeper | deeper | öller |
Dat Paläogen is en eerdhistorische Periood in de Ära vun dat Känozoikum, dat mit disse Periood anfungen is. Dat Paläogen ümspannt den Tietruum vun vör 65,5 Millionen Johren bit vör 23,03 Johren. Dorna kummt dat Neogen, dat bit in de Nutiet anduert.
Na dat grote Utstarven t. B. vun de Dinosauriers keem dat to’n Anfang vun dat Paläogen to dat Entwickeln vun de Vagels un to en düchtig Anwassen vun de Oordenveelfalt bi de Söögdeerten, de sik vun de ehmols lütten Formen in de vörherigen Kriedtiet to de beherrschenden Landdeerten worrn sünd. To’n End vun dat Paläogen hen weern de Rüsseldeerten de gröttsten Landsöögdeerten.
Anfangs weern de Eerddelen noch isoleert. As sik aver vör ungefähr 27 Mio. Johren en Landbrüch twüschen Afrika un Eurasien billt harr, künnen sik de Deerten denn aver wedder wiet verbreden. Blots Australien hett en annere Entwicklen nahmen.
[ännern] Indelen
Dat Paläogen warrt noch mol in dree geoloogsch Epochen ünnerdeelt. Dat sünd
- dat Paläozän in de Tiet vun 65,5-55,8 Mio. Johren
- dat Eozän in de Tiet vun 55,8-33,9 Mio. Johren
- dat Oligozän in de Tiet vun 33,9 bit 23,03 Mio. Johren.
Fröher harr de Begreep noch en beten annere Bedüden. To weer de öllere Deel vun dat Tertiär as Paläogen betekent. Man de Begreep „Tertiär“ is in de Twüschentiet vun de Internatschonalen Stratigrafischen Kommischoon (ICS) afschapt worrn.
