Murder Most Foul
| Filmdaten | |
|---|---|
| Plattdüütsch Titel: | — |
| Originaltitel: | Murder Most Foul |
| Düütsch Titel: | Vier Frauen und ein Mord |
| Produkschoonsland: | Grootbritannien |
| Johr vun’t Rutkamen: | 1964 |
| Läng: | 87 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | George Pollock |
| Dreihbook: | David Pursall Jack Seddon |
| Produkschoon: | Ben Arbeid |
| Musik: | Ron Goodwin |
| Kamera: | Desmond Dickenson |
| Snitt: | Ernest Walter |
| Dorstellers | |
| |
Murder Most Foul (op plattdüütsch so veel as „Höchst smuddigen Mord“; dt. Titel Vier Frauen und ein Mord) is de Titel vun en britischen Kriminalfilm ut dat Johr 1964. Dat is de drüdde Miss-Marple-Film mit Margaret Rutherford in de Hööftrull. De Inholt vun dissen Film baseert loos op den Roman Mrs. McGinty’s Dead (Vier Frauen und ein Mord) vun de Schrieversche Agatha Christie.
Inholt[ännern | Bornkood ännern]
Margaret McGinty, en Barfro un ehmolige Schauspelersche, warrt an en Strick bammeln in ehr Wahnung opfunnen. Dör’t Finster sütt en Polizist de Liek un överrascht en Mann in de Wahnung, de an’n Strick eümntüdelt. Dat schient blots en Formsaak to wesen, dat de Mann veroordeelt warrt. Ünner de twölf Sworenen sitt aver ok Miss Marple, de as eenzige övertüügt is, dat de Mann keen Schuld an den Dood hett. Somit gifft dat keen eenstimmig Oordeel un de Fall mutt nee verhannelt warrn. Miss Marple un ehr Fründ Mr. Stringer hebbt dordör Tiet wunnen, üm sülvst natoforschen, wat sik todragen hett.
De Spoor föhrt ehr to en lütt Koppel vun Theater-Schauspelers, de ünner dat Regeer vun Driffold Cosgood dör de Provinz tingelt. Se warrt Liddmaat vun de Grupp, üm dor beter naforschen un rümsnüffeln to künnen. Gau warrt ok twee Liddmaten vun de Grupp an de Siet maakt, un Miss Marple kann so mit Help vun Mr. Stringer un ok den Inspekter noog Material tosamensöken, üm den Möörder utfinnig to maken. Se lett den Inspekter Craddock na’t Theater kamen.
As de Möörder, en Söhn vun en fröhere Schauspelersche, Miss Marple an’t Ledden will, kann se em utschalten. Dorbi warrt de Inspekter besehrt un kummt as ok de Theaterbaas Cosgood in’t Krankenhuus. An’t Enn versöcht Cosgood Miss Marple as Mäzen för’t nächste Theaterstück to winnen, wat se aver aflehnt. Inspekter Craddock vertellt ehr kort vörher noch, dat he dör’t Opkloren vun den Fall to’n Böverinspekter beföddert worrn is.
Kritik[ännern | Bornkood ännern]
- Lexikon vun’n internatschonalen Film: Entspannte Kriminalunterhaltung nach Agatha Christie, die vergnüglich zwischen Gruselgeschichte, Lustspiel und Krimi wandelt.
- Filmbeobachter: Der schwarze Humor treibt makabere Blüten. Handwerklich gute Regie, einwandfreie Synchronisation und die Rutherford brachten einen behaglichen Krimi zustande.
- Adolf Heinzlmeier un Berndt Schulz in Lexikon „Filme im Fernsehen“[1] (…) mit Spannung und Witz, in üblicher kauziger Rutherford-Manier, schreitet die Filmhandlung voran, kombiniert die Heldin gekonnt.
- Düsseldorfer Nachrichten: Mit allen Mitteln und Maschen einer routinierten Stimmungsmache arbeitet Regisseur Pollock. Ein spannender, vergnüglicher Krimi mit viel Grips und einem Schuß Arsen zusammengebraut.
- Frankfurter Rundschau: Auch dieses 90-Minuten-Stück inszenierte George Pollock ohne erkennbare filmische Ambitionen, aber mit sehr viel Spielraum für die Rutherfordschen Maschen und Manierismen.
Anners wat[ännern | Bornkood ännern]
- As mal bi den tweeten Miss-Marple-Film (Murder at the Gallop) is de Vörlaag en adapteerten Fall vun Hercule Poirot. In de USA is de Roman ünner den Titel Blood will Tell rutkamen.
- Dat Book is 2008 as Mrs. McGinty’s Dead nee verfilmt worrn, wobi de Vörlaag sik dichter an de Vörlaag hollen hett.
- Christie sülvst schall mit den Filmtitel Murder Most Foulo düchtig untofreden wesen hebben un em as rotten („gresig“) betekent hebben. Man, de Titel is en Zitat ut Shakespeare sien Hamlet („Murder most foul, as in the best it is, / But this most foul, strange and unnatural.“), wat wedder to’n Inholt vun’n Film passt
Literatur[ännern | Bornkood ännern]
- Agatha Christie: Vier Frauen und ein Mord. Roman (Originaltitel: Mrs. McGinty’s Dead). Düütsch vun G. Martin. Fischer Taschenbuch Verlag, Frankfort an’n Main 2005, ISBN 3-596-16990-9
- Georg Seeßlen: George Pollock und die britischen Miss Marple-Filme in ders.: Mord im Kino. Geschichte und Mythologie des Detektiv-Films. Rowohlt, Reinbek bi Hamborg 1981, ISBN 3-499-17396-4
Borns[ännern | Bornkood ännern]
- ↑ Lexikon „Filme im Fernsehen“ (wietere Neeutgaav), Rasch un Röhring, Hamburg 1990, ISBN 3-89136-392-3, S. 887
Weblenken[ännern | Bornkood ännern]
- Murder Most Foul in de Internet Movie Database (engelsch)