Internatschonal Eenheitensystem

Vun Wikipedia
Disse Artikel is man blots en Stubben. Du kannst Wikipedia helpen un em verbetern.

Dat Internatschonale Einheitensystem, ok eenfach SI (för Franzöösch: Le Système international d'unités) nöömt, is dat moderne metrische System un is dat wichigste Eenheitensystem för physikaalsche Einheiten. De Oorsprung is in de Wetenschop, man aver vundaag is dat ok in de Weertschop un den Hannel dat wichtigste Einheitensystem. In de Europääsche Union un ok in de mehrsten anneren Staaten is dat Bruken vun SI dörch Gesett vörschreven.

Dör SI warrt physikaalsche Einheiten för utsöchte Grötten fastleggt. Nich-physikaalsche Grötten (t.B. ut de Weertschop oder de Sozialwetenschop) warrt dör SI nich defineert.

Dat SI is 1954 beslaten warrn un baseert vundaag op söven Basiseenheiten för söven Basisgrötten, de per Konventschoon fastleggt sünd.


Physikaalsche Grötten laat sik ok anners as mit SI-Eenheiten opschreven. In Deelrebeden vun Forschung un Weertschop warrt dat ok noch maakt un is av un an ok na Gesett noch mööglich. Man Eenheiten ut mehr as een Systeem schöölt (wenn mööglich) nich mengeleert warr.

Historie[ännern | Bornkood ännern]

Na den tweeten Weltkrieg geev dat 'n Barg vun Eenheitensystemen un ok Eenheiten, de to keen System tohöör. Welke dorvun weern Variatschonen vun dat metrische System (MKS-System), annere baseer op dat angloamerikaanschen Maatsystem. Dat weer kloor, dat dat so nich wiedergahn kunn. In 1948 geev dat denn toeerst mal den Opdrag för en internatschonale Studie, üm ruttofinnen, wat för een System vör de Rebeden Wetenschop, Technik un Ünnerricht bruukt warrt. Na dat wat dorbi rutsuert is, warr denn 1954 beslaten, ein internatschonal System op söss Basiseenheiten optoboen. De Vörslag för de söss Basiseenheiten weer: Meter, Kilogramm, Sekunn, Ampere, Kelvin un Candela. 1960 wurr dit System denn na sien franzööschen Naam (Système International d'Unités) SI-Eenheiten nöömt. 1971 keen denn as sövente Basiseenheit noch dat Mol dorto un hett den sössten Platz twischen Kelvin un Candela kregen.

Basiseenheiten[ännern | Bornkood ännern]

Dat internatschonale Eenheitensystem sett sik tosamen ut ’n Koppel vun Eenheiten un ’n Koppel vun SI-Präfixen. De Eenheiten laat sik in twee Ünnerkoppels indeelen. De een sünd de söven SI-Basiseenheiten. De sünd all vuneenanner unafhängig. Vun disse söven Basiseenheiten warrt denn de anneren Eenheiten affleddt.

SI-Basiseenheiten
Naam Symbol Grött
Kilogramm kg Masse
Sekunn s Tiet
Meter m Läng
Ampere A elektrisch Stroomstärk
Kelvin K Temperatur
Mol mol Stoffmengde
Candela cd Lichtstärk

Dat is ok mööglich, to de Eenheit noch ’n Präfix bitofögen, üm Veelfache vun en Eenheit to kregen. All Veelfachen sünd Teihnerpotenzen, t. B. bedüüd Kilo- dat dusendfache un Milli- bedüüd dat dusendstel. Dorbi warrt jümmers blots een Präfix bruukt. De millionste Deel vun’n Kilogramm is’n Milligramm un nich’n Mikrokilogramm.

SI-Präfixen
Symbol Y Z E P T G M k h da - d c m µ n p f a z y
Faktor 1024 1021 1018 1015 1012 109 106 103 102 101 100 10−1 10−2 10−3 10−6 10−9 10−12 10−15 10−18 10−21 10−24

Afleddt Eenheiten mit 'n egenen Naam[ännern | Bornkood ännern]

Dat internatschonale Eenheitensystem bargt blangen de Basiseenheiten ok afleddt Eenheiten, de ut een oder mehr vun dissen Basiseenheiten dörch Multiplikatschoon oder Divischoon tosamensett sünd. So warrt t.B. de Flach in Quadratmeter () oder de Snelligkeit in Meter dörch Sekunn (m/s) opschreven.

För welke vun disse tosamensett Eenheiten gifft dat egene Naams un Symbolen, de sik sülvst wedder mi allen Basis- un afleddt Eenheiten kombineren laat. So kann een t.B. de SI-Eenheit vun de Kraft, dat Newton (1 N = 1 kg·m/s²), bruken, üm de Eenheit vun de Energie, dat Joule (1 J = 1 kg·m²/s²), synonym ok as Newton mal Meter uttodrücken.

Dit is 'n Översicht över afleddt Eenheiten mit ehr Naams un Eenheitenteken:

Grött Formelteken Naam Eenheitenteken in SI-Basiseenheiten
ebene Winkel ,... (alle greekschen Bookstaven) Radiant rad 1), 2)
Ruumwinkel Steradiant sr 2), 3)
Frequenz Hertz Hz
Kraft Newton N
Druck Pascal Pa 4)
Energie, Arbeit , Joule J
Leistung Watt W
elektrisch Spannung (elektrisch Potentialdifferenz) Volt V
elektrisch Ladung Coulomb C
magneetsch Flaat Weber Wb
elektrisch Wedderstand Ohm Ω
elektrisch Leddweert Siemens S
Induktivität Henry H
elektrisch Kapazität Farad F
magnetische Flaatdicht, Indukschoon Tesla T
Celsius-Temperatur (ok t, verkehrt is T) Grad Celsius °C5) x/°C = x/K − 273,15
Lichtstroom Lumen lm
Belüchtstärk Lux lx
Radioaktivität Becquerel Bq
Dosis Gray Gy
Äquivalentdosis (von engl. harm) Sievert Sv
katalytsche Aktivität Katal kat6)