Läng (Physik)

Vun Wikipedia

De Läng is en vun de Grundgrötten in de Physik. Se betekent de Dimenschoon vun de linearen Utdehnen oder ok den Afstand vun twee physikaalsch Objekten toenanner.

De Läng is över Meetvörschriften un de Längden-Normal defineert. Dat Formelteken dorför is l un de Eenheit na dat SI-System is dat Meter (m). För Angaven vun’n Weg oder Kurvenlängden, warr as Formelteken tomeist s bruukt.

Dat Meten vun de Läng geiht över verscheden Meetredschoppen un Maatstääv. De Läng vun Afstännen vun twee Punkten oder vun en Maatstaff warrt in de klass’schen Physik as konstant annahmen. In de speziellen Relativitätstheorie is de Läng aver afhangig vun den relativen Tostand vun’t Bewegen vun den enkelten Tokieker. Man snackt ok vun de relativistischen Längenkontrakschoon.

De Läng vun de körtere Siet vun en Saak warrt ok as Breed (b) betekent, Längden in piellieke Richten nöömt man tomeist Hööch (h oder z) oder Deep, wenn dat na ünnen geiht.

Kiek ok[ännern | Bornkood ännern]