Helmst
| Wapen/Flagg | Koort | |
|---|---|---|
 |
|
|
| Basisdaten | ||
| Inwahners: | ||
| Postleettall: | 21717 | |
| Vörwahl: | 04149 | |
| Geograafsche Laag: | Koordinaten:53° 31′ N, 9° 29′ O53° 31′ N, 9° 29′ O |
|
Helmst (hoochdüütsch Helmste) is en Dörp mit üm un bi 1100 Inwahners in de Gemeen Deinst, Samtgemeen Freenbeek, in’n Landkreis Stood, Neddersassen. In’n Oosten von’t Dörp liggt de Rüstjer Forst mit dat lütt Dörp Rüstje.
Inholtsverteken |
[ännern] Geografie
De Naverdörper sünd Hagen in’n Noorden, Gothenborg in’n Noordoosten, Dollern un Hornborg in’n Oosten, Issendörp un Ohrens in’n Süden un Deinst in’n Westen.
[ännern] Historie
Toeerst in de Oorkunnen dükert dat Dörp 1141 as Helvesic op.
In’n Eersten Weltkrieg sünd 18 Soldaten ut Helmst fullen oder vermisst un in’n Tweten 51[1].
Helmst is an’n 1. Juli 1972 bi de Gemeenreform in Neddersassen mit de Gemeen Deinst tohoopleggt worrn.
[ännern] Inwahnertall
| Johr | Inwahners |
|---|---|
| 1824[2] | 13 Füürsteden |
| 1848[3] | 240 Lüüd. 40 Hüüs |
| 1. Dezember 1910[4] | 290 |
| 1925[5] | 327 |
| 1933[5] | 356 |
| 1939[5] | 378 |
[ännern] Religion
Helmst is evangeelsch präägt un hett bet 1959 to dat Kaspel Bargst höört. Nu höört dat to de Kark in Freenbeek.
[ännern] Wapen
Dat Wapen wiest baven en sülvern Helm op roden Grund un neern en rood-sülvern Schachbredd-Munster.
[ännern] Kultur
En Denkmaal för de Fullenen ut de twee Weltkrieg’ steiht bi’n Karkhoff.
[ännern] Verenen
De Freewillige Füürwehr is 1902 grünnt worrn. En Heimatvereen gifft dat siet 2001. Nadem dat al siet de Johren 1920 von de Ledertafel un de Füürwehr ut Scheetsport geven hett, hett sik 1987 de Scheetsport-Gemeenschop Helmst sülvstännig maakt.
[ännern] Infrastruktur
[ännern] Verkehr
Helmst liggt an de Landsstraat 124, de in’n Noorden na Stood un an de Bundsstraat 73 rangeiht un in’n Süden na Harsfeld löppt. Na Oosten geiht de Kreisstraat 44 dör’ Rüstjer Forst na Hornborg. Na Westen to geiht de Kreisstraat 1 na Deinst un Freenbeek.
[ännern] Scholen
Helmst harr fröher en egen Volksschool.
[ännern] Lüüd
De Schrieversche Fanny Müller is in Helmst boren.
[ännern] Literatur
- Helmste - ein Geestdorf erzählt. 2008
[ännern] Footnoten
- ↑ http://www.denkmalprojekt.org/2009/helmste_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 264: http://books.google.de/books?id=tG0AAAAAcAAJ&pg=PA264
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ 5,0 5,1 5,2 http://www.verwaltungsgeschichte.de/stade.html
[ännern] Weblenken
- Websteed över dat Dörp (hoochdüütsch)
