Amt Harsfeld
Dat Amt Harsfeld weer en Verwaltungsrebeed in Bremen-Veern un in dat Königriek Hannover mit Seet in Harsfeld binnen de Landdrostie Stood. Dor hett groff dat Rebeed von de hüdige Samtgemeen Harsfeld tohöört.
Dat Leid över dat Amt harr bet 1867 en Amtmann, de twete Beamte weer bet 1816 de Amtsschriever. In de Prüßentied na 1867 hett de eerste Beamte Amtshauptmann heten.
Geografie[ännern | Bornkood ännern]
In’n Noorden von dat Amt leeg dat Gericht Swing, in’n Noordoosten dat Amt Stood un dat Gericht Hornborg, in’n Oosten dat Gericht Delm, in’n Süden dat Amt Zeven, in’n Westen dat Amt Bremervöör un in’n Noordwesten dat Amt Himmelpoorten (Stand 1848).
Bet 1852[ännern | Bornkood ännern]
Dat Amt Harsfeld is ut’n olen Bezirk von dat Klooster Harsfeld billt worrn, dat 1647 in de Swedentied an den sweedschen Rieksraad Johann Adler Salvius geven worrn is. 1653 hett de Baroon Pierre Bidal den Kloosterbezirk kregen.
To den Kloosterbezirk sünd denn later noch de Böörden Bargst (15 Dörper, dree Kolonien[1]), Ohlers (söven Dörper, een Kolonie) un Mulsen (negen Dörper, veer Kolonien) tokamen. 1823 is de Vaagdie Oold- un Neeklooster Deel von dat Amt Harsfeld worrn.
To’n 1. Januar 1847 hett dat Amt Harsfeld de Dörpschop Dullern an dat Gericht Hornborg afgeven un de Dörpschop Hagen an dat Amt Stood-Gothenborg.[2] 1848 hett dat Amt tosätzlich 50 Morgen Land an dat Amt Mesborg afgeven, dat bi de Gemeenheitsdelung 1828 de Öörd Eindörp, Ooldklooster, Imbeek un Lümbörger Schanz in dat Amt Mesborg tofullen weer.[3]
1848 weer dat Amt so 320,90 km²[4] groot.
1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. 1813 müssen de Franzosen dat Amt denn opgeven un de ole Stand is wedderkamen.
Öörd Stand 1848[5][ännern | Bornkood ännern]
Öörd ahn egen Nummer hebbt to de Buurschop von dat Dörp mit bihöört, ünner dat se ünnerstaht, un weren dormit nich kumplett egenstännig.
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
1852–1859[ännern | Bornkood ännern]
Bi de Verwaltungs- un Justizreform an’n 1. Oktober 1852 in dat Königriek Hannover hett dat Amt Harsfeld de Vaagdie Oold- un Neeklooster an dat nee billte Amt Hornborg afgeven un an dat Amt Stood de Böörd Mulsen mit de Dörper Aasp, Eßel, Groot un Lüttjen Freenbeek, Hogenmoor, Kutenhult, Mulsen, Soors un Wehl.[6]
As Gericht för dat Amt is to’n 1. Oktober 1852 dat Amtsgericht Harsfeld inricht worrn.
Nadem dat Königriek Hannover 1866 an Prüßen kamen is, sünd 1867 Stüürkreise in de ne’e Provinz Hannover inricht worrn. Dat Amt hett denn to’n Stüürkreis Stoder Geestkreis tohöört.
1859–1885[ännern | Bornkood ännern]
1859 bi de Verwaltungsreform in dat Königriek Hannover is dat Amt Hornborg denn ok Deel von dat Amt Harsfeld worrn. To dat Amt Hornborg hebbt de hüdigen Gemenen Hornborg, Bliersdörp, Dollern un Nottensdörp tohöört.
Na 1885[ännern | Bornkood ännern]
Bi de Verwaltungsreform in Prüßen to’n 1. April 1885 is dat Amt Harsfeld oplööst worrn un dor is tohoop mit dat Amt Himmelpoorten un de Stadt Stood de Kreis Stood von worrn. Neeland hett dat Amt aver an den Kreis Jörk afgeven.
Inwahnertall[ännern | Bornkood ännern]
| Johr | Inwahners |
|---|---|
| 1810[7] | 5.048 Lüüd, 830 Füürsteden |
| 1848[4] | 7.785 Lüüd, 1.220 Hüüs |
| 1867[8] | 12.308 |
Amtlüüd[ännern | Bornkood ännern]
- 1690–1693: Johan Dargeman
- ~1756: Drost Carl Gustav von Brandt
- ~1769: Wilhelm Schulz
- 1765–1773: Arnold Johann Ludwig von Engelbrechten
- ~1779: Philipp Ernst August Ludowieg
- 1791–1793: Friedrich August Brauns
- 1794–1821: Johann Dietrich Andreas Augspurg
- 1821–1823: Amtsassesser Barthold August Wilhelm Oehlrich (kommissarsch)
- 1823–1838: Anton Friedrich Christian von Wersebe
- ~1845: Gottlieb Christian Dodt
- ~1857: Amtsassesser Ludolph von Uslar-Gleichen
- ~1866: Johann Georg Armin Mügge
Amtsschrievers[ännern | Bornkood ännern]
- 1760–1765: Arnold Johann Ludwig von Engelbrechten
- ~1779: Johann Georg Palm
- –1791: Georg Erich Hüpeden
- ~1803: Peter Christian von Finkh
Footnoten[ännern | Bornkood ännern]
- ↑ Peter von Kobbe: Geschichte und Landesbeschreibung der Herzogthümer Bremen und Verden. 1824, [1]
- ↑ Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 157
- ↑ Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 167
- ↑ a b Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ Hannoversche Gesetzgebung über Staats- und Gemeinde-Verwaltung. Helwing, 1852, Sied 68, http://books.google.de/books?id=8ihGAAAAcAAJ&pg=PA68
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 137: https://books.google.de/books?id=c24IAAAAQAAJ&pg=PA137
- ↑ Zeitschrift des Königlich preussischen statistischen Landesamts. Band 8, http://books.google.de/books?id=gHdKAAAAYAAJ&pg=PA149
Hartogdom Bremen: Stadt Stood | Stadt Buxthu | Stadt Bremervöör | Amt Achem | Amt Beers* | Amt Beverst* | Amt Blomendal | Amt Bremervöör | Amt Dorum | Amt Freeborg | Amt Hagen | Amt Harsfeld | Amt Himmelpoorten | Amt Hornborg* | Amt Jörk | Amt Leendaal | Amt Leh | Amt Lesum* | Amt Neehuus | Amt Oosten | Amt Oosterholt | Amt Otterbarg* | Amt Stood* | Amt Wischhoben* | Amt Zeven
Hartogdom Veern: Stadt Veern | Amt Rodenborg | Amt Snevern* | Amt Veern
Land Hadeln: Stadt Oterndörp | Amt Oterndörp
* bet 1859