Charlie’s Angels (Film)

Vun Wikipedia
Filmdaten
Plattdüütsch Titel:
Originaltitel: Charlie’s Angels
Düütsch Titel: 3 Engel für Charlie
Produkschoonsland: USA
Johr vun’t Rutkamen: 2000
Läng: 94 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Joseph McGinty Nichol
Dreihbook: Ryan Rowe
Ed Solomon
John August
Produkschoon: Drew Barrymore
Leonard Goldberg
Nancy Juvonen
Musik: Ed Shearmur
Kamera: Russell Carpenter
Snitt: Peter Teschner
Wayne Wahrman
Szenenbild: J. Michael Riva
Kledaasch: Joseph G. Aulisi
Dorstellers

Charlie’s Angels (op plattdüütsch so veel as „Charlie sien Engels“; dt. Titel: 3 Engel für Charlie) is de Titel vun en US-amerikaanschen Actionfilm ut dat Johr 2000. De Film föhrt de Feernsehreeg Charlie’s Angels wieter, de Enn vun de 1970er Johren lopen is. De Film stellt dree ne’e „Engels“ vör, de sotoseggen de nächste Generatschoon dorstellt. De Dorstellers vun disse Hööftrullen sünd Cameron Diaz, Drew Barrymore un Lucy Liu. De Naamsgever, Charlie, is jüst as in’t Original nich to sehn. He kommunizeert mit de Engels blots över en Audioanlaag. He weer in’t engelsche Original wedder vun densülven Dorsteller snackt as in de Feernsehreeg.

De Film harr en Budget, dat op ruchweg 93 Millionen US-Dollar schätzt warrt. Weltwiet hett he mehr as 250 Millionen US-Dolaar an de Kinokassen inspeelt, wat den Weg freemaakt hett för en wieteren Kinofilm, de 2003 ünner den Titel Charlie’s Angels: Full Throttle rutkeem.

Inholt[ännern | Bornkood ännern]

De dree Engels warrt tosamenropen üm en Verbreken optokloren, neemlich wokeen dorcahter stickt, dat Eric Knox roovt worrn is. De Verdacht fallt glieks op sien Konkurrenten Roger Corwin, de sik Knox sien Reeknersystem anegen will, üm jeden Telefonanroop op de Welt torüchverfolgen to künnen.

Mit Help vun Bosley, den Verbinnensmann twüschen de Engels un Charlie, finnt se Knox un befreet em. Üm Bewiesen för den Knox sien Roov to finnen, breekt de Engels in den Serverruum vun Corwin sien Firma in. Se installeert dor en Reedschop, mit de se op den Server na de Software vun Know söken künnt.

Man, dormit sünd se op’n verkehrten Weg. As sik rutstellt, is Knox sülvst de egentliche Böse. He hett de Engels op dissen Weg utnütt, üm an de Ortungssystemen vun Corwin sien Firma to kamen, de Knox in Verbinnen mit sien egene Stimmkennsoftware bruken will, üm Charlie optofinnen un an de Siet to maken. Knox geiht nemlich dorvun ut, dat sien Vadder in’n Vietnamkrieg en Kameraad vun Charlie weer, de sien Vadder denn aver verraat hett. Nu will Knox den Dood vun sien Vadder torüchbetahlen.

De Engsl künnt sik aver ut de Fallen, de Knox jem stellt hett, befre’en. Se kriegt rut, woneem Knox de Ortung vun Charlie dörföhrn will, kamt aver to laat. Se künnt Bosley noch befre’en, man den Standoort vun Charlie hett Knox al rutfunnen. Nu is he mit en Heevschruver, de mit en Rakete utrüst is, op’n Weg. De Engels künnt de Rakete ümprogrammeeren, so dat se Knox in sien egen Heevschruver drapen deit. As de Engels in dat Huus vun Charlie ankamen doot, is de aver jüst weg un sien Identität blifft geheem.

Kritk[ännern | Bornkood ännern]

Dat Lexikon vun’n internatschonalen Film beteken den Film as en Neeverfilmen vun de Originalreeg, de „rasant“ weer un „ünnerholen“ de un „sik vele Motiven ut James-Bond-Filmen un vun’t Hongkong-Kino afkeken hett“. Charlie’s Angels sett op „originelle szeensche Infäll“ un „en kunzentreerte, technisch brillante Optik as ok dree sympaathsche Hööftdorstellerinnen“.[1]

Utteken[ännern | Bornkood ännern]

De Film haar düchtig Spood un weer för meist veertig Filmpriesen vörslahn. Utteken weer he mit twölf dorvun, as to’n Bispeel:

Borns[ännern | Bornkood ännern]

  1. http://www.filmevonabisz.de/filmsuche.cfm?wert=513945&sucheNach=titel

Weblenken[ännern | Bornkood ännern]