Software

Software (ut dat Ingelsche, utsproken: Softweer) heet översett so veel as weeken Krom. Dat is bi een Reekner dat, wat een nich anfaten kann. Dat anner is de Hardware. Kort seggt: Software sünd Programmens un wat dor an Datens tohöört.

Orten

Bi de Software ünnerscheed wi

• Firmware, de temlich deep in dat System integreert is
• Bedriefssystem, so as Unix, Linux, Windows, Mac OS, BeOS, CP/M, OS/2, wat för den Bedrief vun den Reekner nödig is
• Annwennerprogrammens, to'n Schrieven, Reken, Malen un anners.

Plattdüütsche Software

Bilütten fangt dat an, dat dat ook plattdüütsche Software gifft.

• KDE, een grafisch Böversiet för Linux, kiek ook bie Linux op Platt
• Opera, een Nettkieker för Linux un Windows
• Ashampoo Brann-Stuuv 6 un 7 un Ashampoo Photo Optimizer 2 un 3 von de Firma Ashampoo