Aventure Malgache

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Aventure Malgache
Düütsch Titel: Landung auf Madagaskar
Produkschoonsland: Grootbritannien
Johr vun’t Rutkamen: 1944
Läng: 30 Minuten
Originalspraak: Franzöösch
Öllersfreegaav in Düütschland: FSK 12
Filmkru
Speelbaas: Alfred Hitchcock
Dreihbook: Angus MacPhail
Produkschoon: Sidney Lewis Bernstein
för’t Ministry of Information
Musik: Benjamin Frankel
Kamera: Günther Krampf
Dorstellers

Aventure Malgache (op plattdüütsch so veel as „Madagass’sch Begeevnis“; dt. Titel: Landung auf Madagaskar) is de Titel vun en half-dokumentaarschen Propagandafilm, den Alfred Hitchcock 1944 dreiht hett. Dat is een vun twee Kortfilmen, de he in’n Opdrag vun’t britische Informatschoonsministerium in England dreiht hett, üm sien Bidrag to de Kriegsmöhen vun de Allieerten to leisten. Bito wull he dormit de franzöösche Résistance gegen de Besetten vun dat natschonalsozialistische Düütschland sien Respekt wiesen. De annere Film is Bon Voyage.

Inholt[ännern | Bornkood ännern]

De Film speelt in Form vun Torüchblennen to’n groten Deel op Madagaskar. De Rahmenhandlung speelt in England, woneem sik en Koppel vun Minschen as Schauspelers to The Molière Players tosamen doon hebbt. Een vun jem is Clarus, de vörmols as Afkaat in Antananarivo op Madagaskar arbeit hett un in een vun de annern Schauspelers vun’t Utsehn her den korrupten Verrader Michel vun dormols weddertokennen glöövt. Clarus vertellt vun de Situatschoon dormols, as dat Eiland vun dat Vichy-Regime kontrolleert weer, dat op Madagaskar op unafhangige Franzosen dröpt, de deels sogor Wedderstand leisten doot. Clarus hett versöcht twüschen de Fronten kloor to kamen. He weer de Kopp vun de Wedderstandsbewegung, hett en geheemen, illegalen Radiosenner bedreven un de Flucht vun de Lüüd to organiseren holpen, de sik de Allieerten ansluten wulln. Togliek hett he na baven hen so doon, as wenn he loyal weer. As se een Dag opflogen sünd, müss Clarus dorför längere Tiet in’t Gefängnis un he schüll sogor doodmaakt warrn, man dat Oordeel weer utsett. Dör sien Senner is dat mööglich wesen, dat de Briten dat Land de Freeheit torüch bringen künnen.

Achtergrünnen[ännern | Bornkood ännern]

Hitchcok hett den Film mit de Molières Players dreiht, en Theatergrupp vun Franzosen de in’t engelsche Exil leven deen. De Geschicht baseert op de wohren Beleevnissen vun Paul Clarus, een Liddmaat vun de Molière Players un weer in franzöösche Spraak dreiht. För sien Arbeit hett Hitchcock 10 £ in de Week kregen.

Bi de Dreiharbeiten to Bon Voyage, de jüst vör Aventure Malgache produzeert worrn is, is Hitchcock vun verschedene franzöösche Liddmaten vun de fre’en Strietmächt vun Frankriek beraadt worrn, de em nich blots deelwies in sien Film rinsnackt hebbt, man ok ünner’nanner nich eens weern. Na Hitchcock weer dat een Inspiratschoon för Aventure Malgache, in den de Uneenigkeit twüschen de Vertreders vun’t unafhangige Frankriek thematiseert weer.

Weblenken[ännern | Bornkood ännern]