Zoot Sims

Vun Wikipedia
Wesseln na: Navigatschoon, Söök
Zoot Sims 1976
De Benny Goodman Band mit unbekannt Singerin as ok (vun links) Bucky Pizzarelli, Hal Gaylor (b), Zoot Sims, Mousie Alexander (dr, verdeckt) un Peter Appleyard bi en Upträe in Hamborg 1972

John Haley "Zoot" Sims (* 29. Oktober 1925 in Inglewood/Kalifornien; † 23. März 1985 in New York City) weer en US-amerikansch Saxophonist vun den Modern Jazz.

Leven un Wark[ännern | Bornkood ännern]

Sims is in en musikalisch Familie upwussen, sien öllere Bröer is de Basuunist Ray Sims. He sülvst hett eerst Slagtüüch un Klarinett lehrt, mit darteihn Johren wessel he denn to dat Tenorsaxophon. Sien eersten professionell Uptreden harr he mit fievteihn as Liddmaat vun dat Bobby Sherwood Orchestra. 1943 wurr he Liddmaat vun Benny Goodman sien Big Band. 1944 speel he Upnahmen mit Joe Bushkin in.

Nah de Armeetiet bi de Air Force hett he weer 1946-47 mit Benny Goodman arbeit. Berühmt wurr he dornah as Liddmaat vun Woody Herman sien Four Brothers tüschen 1947 un 1949. He hett mit Buddy Rich sien Big Band, mit Artie Shaw, Chubby Jackson, Elliot Lawrence un Stan Kenton arbeit. Siet 1954 speel he Upnahmen mit Gerry Mulligan un Jack Sheldon (bi Jazz West) in, in de fröh 1960er Johren weer he as Starsolist in de Gerry Mulligan Concert Jazz Band. Sien Proben in dat New Yorker Jazz Loft mit den Slagtüüchspeler Ronnie Free un den Pianisten Bill Potts 1960 wurrn vun den Fotografen W. Eugene Smith in Bild- un Ton-Dokumenten fasthollen, de 2009 in dat Jazz Loft Project verapenlicht wurrn. 1962 nehm he an Benny Goodman sien Tour in de Sowjetunion deel.

Dorneben hett Sims in den Loop vun de Tiet alleen oder gemeensam Früend Al Cohn mehrere eegen Bands leit. He speel överweegend in den Cool Jazz-Idiom. Sien Ökelnaam "Zoot" wurr later in‘ Feernsehn för en Saxophon spelend Muppet bruukt.

Ehrungen[ännern | Bornkood ännern]

Diskographie[ännern | Bornkood ännern]

Lexikalisch Indrääg[ännern | Bornkood ännern]

Weblenken[ännern | Bornkood ännern]