Larry Bunker

Vun Wikipedia

Larry Bunker (eegentlich Lawrence Benjamin Bunker; * 4. November 1928 in Long Beach, Kalifornien; † 8. März 2005 in Los Angeles), weer en US-amerikaansch Jazz-Slagtüüchspeler un Vibraphonist.

Leven[ännern | Bornkood ännern]

Larry Bunker hett autodidaktisch Klaveer, Akkordeon un Saxophon lehrt. Wiels sien Deensttiet in de US Army weer he Slagtüüchspeler un Pianist in en Armeeband. Nah sien Rückkehr nah Kalifornien 1948 hett he tonächst mit Howard Rumsey arbeit.

1953 wurr he as Slagtüüchspeler Nahfolger vun Chico Hamilton in dat Gerry Mulligan Quartet. In de Folgezeit hett he mit Musikern as Stan Getz, Warne Marsh, Clare Fischer, Gary Burton, Dizzy Gillespie, Gerry Mulligan, Barney Kessel un Art Pepper arbeit un hett tüschen 1955 un 1960 mit den Pianisten Jimmy Rowles de Singerinnen Peggy Lee to’n Bispeel up Black Coffee) un Billie Holiday, as up dat Album Music for Torching begleit.

Mit en eegen Band hett he Anfang vun de 1960er Johren dree Alben herutbrocht. 1962 speel he bi Bud Shank. Van 1963 bit 1964 weer he Liddmaat vun dat Trio vun Bill Evans. In de Folgejohren hett he denn överwegend as Studiomusiker bi Henry Mancini, Neal Hefti, Johnny Mandel un Nelson Riddle arbeit.

Weblinks[ännern | Bornkood ännern]