While You Were Sleeping
| Filmdaten | |
|---|---|
| Plattdüütsch Titel: | — |
| Originaltitel: | While You Were Sleeping |
| Düütsch Titel: | Während Du schliefst |
| Produkschoonsland: | USA |
| Johr vun’t Rutkamen: | 1995 |
| Läng: | 100 Minuten |
| Originalspraak: | Engelsch |
| Öllersfreegaav in Düütschland: | FSK 6 |
| Filmkru | |
| Speelbaas: | Jon Turteltaub |
| Dreihbook: | Daniel G. Sullivan, Fredric LeBow |
| Produkschoon: | Steve Barron, Arthur Sarkissian |
| Musik: | Randy Edelman |
| Kamera: | Phedon Papamichael |
| Snitt: | Bruce Green |
| Szenenbild: | Garreth Stover |
| Kledaasch: | Betsy Cox |
| Dorstellers | |
| |
While You Were Sleeping (op Platt so veel as „As du slapen hest“; dt.: Während Du schliefst) is en US-amerikaansch Filmkummedie ut dat Johr 1995 mit Sandra Bullock un Bill Pullman in de Hööftrullen un Jon Turteltaub as Speelbaas. Produzeert worrn is de Film vun Caravan Pictures un Hollywood Pictures.
Inholt
[ännern | Bornkood ännern]Lucy Moderatz is bi de Chicagoer U-Bahn anstellt. Se föhlt sik eensam un hett den Droom, na Europa un sünners na Italien to flegen. Heemlich hett se sik in Peter Callaghan verkeken, de jümmer an ehrn Schalter vörbikummt, wenn he mit de Bahn föhrt. Een Dag warrt he op’n Bahnstieg överfallen un fallt dorbi op de Spoor un verleert sien Sinn kort bevör en Tog kummt. Lucy kann em in’n letzten Ogenblick redden.
Vun wegen, dat sik in Krankenhuus en Süster verdeit, glöövt Peters Verwandten, dat Luya sien Bruut is. Se snackt dor ok nich gegen, wiel se bang is, dat se Arger kriggt. So lehrt se de Familie beter kennen un warrt denn ok to Wiehnachten op de Familienfier inlaadt. Peters Broder Jack is toeerst en beten argdenkern ehr gegenöver, mit de Tiet aver verkiekt he sik in ehr un se sik ok in em, wieldat aver all noch glöövt, dat se Peter verspraken is.
Peter waakt wedder ut sien Koma op un kennt Luvy natürlich nich, wiel he mit ehr nie wat to kriegen harr. De Familie schufft dat dorop, dat he sien Gedächtnis verloren hett, un denkt an Amnesie. Lucy will de Saak opkloren, aver Saul will dat för ehr klor maken. Man, he maakt dat denn doch nich. An de Steed versocht he Peter to besnacken, dat he Lucy en Andrag maken schall.
In’t Krankenhuus schall denn de Hochtiet wesen. In’n letzten Ogenblick aver kriggt Lucy dat Hartklabastern un gifft to, dat se sik de Saak utdacht harr un dat se sik egentlich in Jack verkeken hett. Se meent, dat se sik düchtig woll föhlt hett bi de Familie, as se dat lang nich mehr beleevt harr.
En beten later geiht Jack tohopen mit de Familie an’n Fohrkortenschalter, woneem Lucy Deenst hett un maakt ehr en Heiraadtsandrag. In’n Afspann bericht de Stimm vun Lucy vun jemehr Hochtietsreis na Florenz.
Kritik
[ännern | Bornkood ännern]De Film weer as nich sünners utermatig besnackt, weer aver as hartwarmend un lustig beschreven.
Peter Stack beteken den Film in de San Francisco Chronicle vun’n 20. Oktober 1995 as en „charmanten Nugat“ för Romantiker. De Film harr ahn Twievel bewiest, dat Sandra Bullock en Film drägen künn.[1]
Utteken
[ännern | Bornkood ännern]De Film weer för söss Priesen nomineert, ünner annern för den Golden Globe för Sandra Bullock as Best Hööftdorstellerin. Wunnen hett de Film an’n End twee Priesen:
- 1995: de Golden Lienwand för den Spood in de Kinos.
- 1996: den BMI Film Music Award för Randy Edelman för sien Filmmusik.
Bornen
[ännern | Bornkood ännern]Websteden
[ännern | Bornkood ännern]- While You Were Sleeping in de Internet Movie Database (engelsch)
- filmfacts.de: Während Du schliefst (hdt.)