West End (Islas de la Bahía)

West End in dat Municipio Roatán

Luftbild von West End (von Süden keken)

In’n Oort

Anlegger

Methodistenkark

West End is en Oort op dat Eiland Roatán (Islas de la Bahía) in dat Municipio Roatán, Departamento Islas de la Bahía, Honduras. De Oort liggt an’t Westenn von Roatán un billt binnen dat Municipio Roatán en Aldea. De Inwahnertall weer bi’n Zensus 2013 1608.

Geografie

De Naveröörd sünd Sandy Bay un Colonia Policarpo Galindo in’n Noordoosten, Coxen Hole in’n Oosten, Flowers Bay in’n Süüdoosten un West Bay in’n Süden. In’n Süüdwesten sünd dat 35 Kilometer bet na dat Naver-Eiland Útila. Vör de Küst doot Krallenriffs von dat Maya-Riff liggen. Verscheden Buchten, so as Half Moon Bay, Mangrove Bight un Gison Bight, deelt de Küst bi West End in Afsneed.

Offiziell is de Aldea West End indeelt in de veer Caseríos West End, West Bay, Tamarindo Beach un Turtle Beach.

Weertschop un Infrastruktur

För de Weertschop is vör allen de Tourismus von Belang, de von de Sandstrannen un von de Riffs (Dukers un Snorklers) antrocken warrt.

Verkehr

Straten föhrt von West End in’n Süüdwesten na West Bay, in’n Oosten över Flowers Bay na Coxen Hole un in’n Noordoosten na Sandy Bay. Aver ok de Verkehr per Boot is wichtig.

De nächste Flegerhaven is de Juan Manuel Gálvez International Airport bi Coxen Hole.

Weblenken

West End (Islas de la Bahía). Mehr Biller, Videos oder Audiodateien to’t Thema gifft dat bi Wikimedia Commons.