Coxen Hole
.jpg)
Coxen Hole is de Hööftoort von dat Municipio Roatán un dat Departamento Islas de la Bahía in Honduras. He liggt op dat Eiland Roatán von de Islas de la Bahía un an de Küst von de Karibische See. De Inwahnertall weer bi’n Zensus 2013 12.363.[1]
Geografie[ännern | Bornkood ännern]
De Oort liggt in’n Süüdwesten von Roatán. In’n Noordoosten liggt de 228 m över de See hoge Dixon Hill.
Bi’n Zensus von Honduras warrt Coxen Hole as Aldea föhrt un driggt den Naam Roatán. De Aldea deelt sik in de twee Caseríos Roatán (also Coxen Hole) un Big Cay oder Osgood Cay, wat en lütt Cay is, dat 150 m vör de Küst in’n Süden von Coxen Hole liggt.
Historie[ännern | Bornkood ännern]
Nöömt is de Oort na’n Piraat John Coxon, de in dat 17. Johrhunnert aktiv weer un sik hier versteken hebben schall. Grünnt worrn is de Oort aver eerst 1835 as Lüüd von de Kaimaneilannen na Roatán kemen un sik hier dallaten hebbt.
Weertschop un Infrastruktur[ännern | Bornkood ännern]
Wichtig för de Weertschop is vör allen de Tourismus.
Verkehr[ännern | Bornkood ännern]
Straten föhrt von Coxen Hole in’n Westen över Flowers Bay na West End un West Bay, in’n Noorden na Sandy Bay un in’n Noordoosten na Los Fuertes, French Harbour un Oak Ridge.
De Juan Manuel Gálvez International Airport liggt an’n Oostrand von de Stadt.
Tosätzlich hett de Oort en Anlegger för Krüüzfohrtscheep un ok en lütten Haven. De Bootsverkehr mit de lüttjeren Eilannen ümto un Delen von Roatán is von groot Belang. Mit La Ceiba besteiht en Fährdeenst.
Footnoten[ännern | Bornkood ännern]
Weblenken[ännern | Bornkood ännern]
Koordinaten:16° 19′ N, 86° 32′ W