Tour de Suisse

Vun Wikipedia

De Tour de Suisse is de gröttste Radrundfohrt in de Swiez. Se find jedes Johr Midden Juni statt un gellt as wichtigst Etappenrennen in’ Radsport ünnerhalv vun de „Groot Dree“ Tour de France, Giro d'Italia un Vuelta a España. De Rundfohrt hörrt to de in dat Johr 2005 nee inführt UCI ProTour, en Serie vun de wichtigst Radrennen vun dat Johr. 2009 funn de 73. Auflage van 13. bit 21. Juni 2009 statt.

Se is in meest teihn bit twalf Etappen ünnerdeelt, dorünner meest een Prolog, mehrere Bargetappen un een Tietfohren. De Tour de Suisse wurrd vun völ Fohrer as letzt Vörbereitung för de traditschonell twee Week later anfangend Tour de France fohren. Tolaaten sünd Mannschapen vun de 1. un 2. Kategorie.

De eerste Tour de Suisse wurr van 28. August bit to’n 2. September 1933 utdragen; Winner vun de in fiev Etappen utdragen Rundfohrt weer de Öösterrieker Max Bulla. Sietdem heebt tallriek berühmt Fohrer de Tour wunnen. Achter de veermalig Gesamt- un dormit Rekordwinner Pasquale Fornara folgen de beid Swiezer Radstars ut de 1950er Johren, Ferdy Kübler un Hugo Koblet as ok Rui Costa ut Portugal, mit jewiels dree wunnen Rennen. Gino Bartali, Hennes Junkermann, Andrew Hampsten, Beat Breu un Jan Ullrich kunnen de Tour je tweemal winnen.

Winnerlist[ännern | Bornkood ännern]

Weblenken[ännern | Bornkood ännern]

Tour de Suisse. Mehr Biller, Videos oder Audiodateien to’t Thema gifft dat bi Wikimedia Commons.