Zum Inhalt springen

Oscar Camenzind

Vun Wikipedia
Oscar Camenzind (1997)

Oscar „Ösi“ Camenzind (* 12. September 1971 in Gersau, Kanton Schwyz) is en ehmalger Radrennfohrer ut de Swiez.

Loopbahn[ännern | Bornkood ännern]

Camenzind wurr 1996 Profi, harr aber all vördem eenige Straatenrennen wunnen, as 1994 un 1995 tweemal die Hegiberg-Rundfohrt in Winterthur. 1997 wunn he dat Deelstreckenrennen Grand Prix Tell, keem in de Tour de Suisse up den tweeten Platz (achter Christophe Agnolutto) un wurr Swiezer Landsmeester up de Straat.

Sien spoodriekst Johr weer 1998: Bi den Giro d’Italia keem he up den veerten Platz, wurr Straaten-Weltmeester in dat nedderlannsch Valkenburg. Wenige Daag later wunn he ok noch de Lombardei-Rundfohrt (vör Michael Boogerd]] un Felice Puttini. In dat Johr 2002 keem he bi dit Rennen noch mal up den darten Platz. Wegen disse Erfolge wurr he 1998 ok to’n Sportler vun dat Johr in Italien wählt.

2000 wunn he de Tour de Suisse mit en Vörsprung vun 14 Sekunnen up den Italiener Dario Frigo. 2001 wunn Camenzind den Klassiker Lüttich-Bastogne-Lüttich, een vun de fief Monumente vun den Radsport (vör Davide Rebellin, David Etxebarria Alkorta, Francesco Casagrande un annern).

An‘n 22. Juli 2004 wurr Camenzind bi en Doping-Kontrolle positiv up EPO test.[1] He hett denn up en Deelnahm an de Olympisch Sömmerspelen 2004 in Athen verzicht, wurr vun sien Radsportteam Phonak Cycling Team per 9. August 2004 freestellt un hett an’n 10. August 2004 in Luzern sien Karriereenn’n verkünnd. Vun Swiss Olympic wurr he för twee Johr sparrt. [2]

Enkelt Nahwiesen[ännern | Bornkood ännern]

  1. Ralf Meutgens: Doping im Radsport, Bielefeld 2007, S. 285. ISBN 978-3-7688-5245-6
  2. Oscar Camenzind (Rad) für zwei Jahre gesperrt dopinginfo.ch 8. September 2004, afropen an’n 27. April 2021

Weblinks[ännern | Bornkood ännern]