Hennie Kuiper

Vun Wikipedia
Zur Navigation springen Zur Suche springen
Hennie Kuiper

Hendrikus Andreas (Hennie) Kuiper (* 3. Februar 1949 in Denekamp) is en ehmalger nedderlannsch Radrennfohrer.

Kuiper keem stuuv an de düütsch-nedderlannsch Grenz an den Nordhorn-Almelo-Kanal to Welt, wo de Öllern en Buernhoff harr. He sülvst is utbildt Maschinenbauer.

Kuipertje, wu he wegen sien schmächtig Figur nömmt wurr, wee bi de Olympisch Spelen 1972 in München blots för dat 100-Kilometer-Mannschapstietfohren vörösehen, mit de he darten Platz recken dee. De Bronzemedaille wurr de nedderlannsch Mannschap wegen en Dopingfall aber aferkannt. Nah den Utfall vun en anner Fohrer wurr he körtfristig ok för dat Straatenrennen upstellt, in dat he de Goldmedaille wunn. De 182,4 Kilometer hett he in 4:14,37 Stunden schafft. In dat sülvig Johr wunn he noch dat britische Milk Race (heet nu Tour of Britain).

He is dornah in dat Profi-Lager wesselt un wurr 1975 Profi-Weltmeester (vör Roger De Vlaeminck un Jean-Pierre Danguillaume). 1976 wunn he de Tour de Suisse, 1977 un 1980 wurr he jewiels Tweet bi de Tour de France. Kuiper, en ruhig un torüchhollen Typ, kunn ok eenig Klassiker up sien Naam schrieven; so wunn he 1983 Paris–Roubaix un 1985 – in dat Öller vun 36 Johren - den Fröhjohrsklassiker Mailand–Sanremo.

1977 wurr he in de Nedderlannen to’n „Sportler vun dat Johr“ wählt un 1988 to’n Ridder in’ Orden von Oranje-Nassau slahn. In Oldenzaal is en Brügg nah hüm nömmt, in sien Heimatoort Denekamp en Fohrradtunnel. In Geulhem (Süd-Limburg) gifft dat en Hennie-Kuiper-Allee un up den Parcours vun den Renn-Klassiker Paris–Roubaix erinnert an de Stäe, an de Kuiper inst en Reifenpanne harr, en Kunstwark an dat dormals weltberühmte Foto vun dit Malör. Sogar en LINT-Dieseldrievwagen vun dat Nahverkehrsünnernehmen Syntus is nah hüm nömmt.

Nah sien aktiv Loopbahn, de 1988 to Enn’ weer, bleev Hennie Kuiper as Sportlich Leiter den Radsport verbunnen. Bit 1996 weer he Tourbegleiter; hüüd is he ünner annern as Gäste- un Sponsorenbegleiter bi internatschonal Radrennen tätig. Kuiper is in tweet Ehe verheiraadt un leevt in Lonneker.

Teams[ännern | Bornkood ännern]

  • 1973 Ha-Ro bit 24. April
  • 1973 Rokado af 25. April
  • 1974 Rokado
  • 1975 Frisol – G.B.C.
  • 1976 TI – Raleigh
  • 1977 TI – Raleigh
  • 1978 TI – Raleigh – Mc Gregor
  • 1979 Peugeot – Esso – Michelin
  • 1980 Peugeot – Esso – Michelin
  • 1981 DAF Trucks – Cote d’Or – Gazelle
  • 1982 DAF Trucks
  • 1983 Jacky Aernoudt Meubelen – Rossin – Campagnolo
  • 1984 Kwantum Hallen – Yoko
  • 1985 Verandalux – Dries
  • 1986 Skala – Skil
  • 1987 Roland – Skala
  • 1988 Sigma – Fina

Weblenken[ännern | Bornkood ännern]

Commons-logo.svg Hennie Kuiper. Mehr Biller, Videos oder Audiodateien to’t Thema gifft dat bi Wikimedia Commons.